ՀՅԴ-ն կմասնակցի՞ Րաֆֆի Հովհաննիսյանի հանրահավաքին`այսօր խորհրդարանական ճեպազրույցներում լրագրողներից մեկը հարց ուղղեց ՀՅԴ խմբակցության ղեկավար Արմեն Ռուստամյանին: Պատասխանը հետեւյալն էր. «Նախ պետք է հասկանանք, ի՞նչ հանրահավաք է, ի՞նչ հարցեր են բարձրացվելու, պետք է հասկանանք, որ այնպես չլինի, որ կարծիքները ու հայտարարությունները իրար կտրուկ հակասեն: Այնպես չլինի, որ հանկարծ նոր մոդելներ առաջարկեն ու ժողովրդին գցեն թյուրիմացության մեջ ու պարզվի, որ այն, ինչ արել են ոչ իշխանական քաղաքական խմբակցությունները միմյանց հետ համաձայնության գալու և օրակարգ առաջադրելու ճանապարհին, ուրեմն սիրողական մակարդակով արված բաներ էին»:
Բանախոսը նկատեց, որ երբեմն որոշ հայտարարություններ են հնչում, որոնք կարող են խանգարել չորս ոչ իշխանական քաղաքական ուժերի արած աշխատանքին: «Ամենամեծ արվեստը համաձայնությունների գալու արվեստն է: Եղել է, որ ինչ որ արդյունքի ենք հասել, մեկ էլ դրսից ասել են՝ որ դա իրենց հայտարարության հետ կապ չունի, ու ամեն ինչ ձախողվել է: Չորս ոչ իշխանական քաղաքական խմբակցությունները ունեն օրակարգ, հարցեր, որոնց կյանքի կոչելու ուղղությամբ առաջ են շարժվում: Կստացվի՞, կհաջողե՞նք`Հայաստանը կտեսնի արդյունքները: Ոչ` ուրեմն կմնանք նույն տեղում:
Նելլի ԳՐԻԳՈՐՅԱՆ
