ՀՀ Շիրակի մարզի դատախազ Ր.Ասլանյանը 28.03.2014 թ. հանձնարարական է ուղարկել ոստիկանության Գյումրի քաղաքի Կումայրիի բաժնի պետ, ոստիկանության փոխգնդապետ Ա.Ղարիբյանին, պատճենը՝ «Առավոտ» օրաթերթ:
Մարտի 28-ի Aravot.am-ում տպագրվել է Գյումրու քաղաքապետի բողոքը ոստիկանապետին. «Ոնց կարող է սեփական խանութ լինել փողոցի ուղիղ կենտրոնում» վերտառությամբ հոդվածը: Հոդվածում խոսք է գնացել ՀՀ հողային օրենսգրքի 60 հոդվածի խախտման,Գյումրիի Մայակովսկի փողոցի ընդհանուր օգտագործման համայնքային սեփականություն հանդիսացող հողամասն այլ անձանց սեփականության իրավունքով փոխանցելու, այդ փողոցի վրա խանութ-կրպակ կառուցելու հարցի մասին:
Դատախազը հանձնարարել է ոստիկանության նշյալ բաժնի պետին, հաշվառել «դեպքը», նախապատրաստել նյութեր, լուծել դրանց ընթացքը, իսկ արդյունքների մասին էլ պարբերաբար հայտնել իրեն՝ դատախազին:
