Ի՞նչն է պատճառը, որ երեկ 13-րդ վարչապետի անունը չհրապարակվեց: Ընդդիմադիրների համոզմամբ՝ Սերժ Սարգսյանի պլանները խափանել է ԲՀԿ-ն, որը դեմ է արտահայտվել Սահմանադրական բարեփոխումներին, բացի այդ, անկանխատեսելի իրավիճակ է ստեղծել Սերժ Սարգսյանի համար Լեւոն Տեր-Պետրոսյանի, Րաֆֆի Հովհաննիսյանի եւ ԲՀԿ առաջնորդի հանդիպումը:
Այս առնչությամբ Aravot.am-ի հետ զրույցում ՀՀԿ գործադիր մարմնի անդամ Գագիկ Մինասյանը վստահեցրեց, որ ոչ մեկն էլ չի խափանել Սերժ Սարգսյանի պլանները: Մեր հարցին՝ այդ դեպքում ինչո՞ւ է ձգձգվում վարչապետի նշանակումը, մի՞թե Սերժ Սարգսյանն իր աչքի տակ չունի հարմար թեկնածու եւ այսպես հընթացս թեկնածու է ընտրում՝ Գագիկ Մինասյանը պատասխանեց. «Այդ հարցերն արհեստածին են, ոչ մի ձգձգում չկա»:
Մեր դիտարկմանը, որ այնուամենայնիվ, ինչ-որ խառնաշփոթ իրավիճակ է նկատվում ՀՀԿ-ում՝ վարչապետի հրաժարականի եւ նոր վարչապետի նշանակման հետ կապված՝ Գագիկ Մինասյանը պատասխանեց. «Ոչ մի խառնաշփոթ չկա, ի՞նչ խառնաշփոթ»:
Մեր հարցին՝ եթե ամեն ինչ նորմալ է, ինչո՞ւ եք մարդկանց սթրեսի ենթարկում՝ սպասողական դրության մեջ պահելով եւ վերջնաժամկետում նոր վարչապետի անունը հրապարակելով՝ Գագիկ Մինասյանը պատասխանեց. « Ոչ մեկն էլ սթրեսի մեջ չէ: Դուք սթրեսի մե՞ջ եք: Սահմանադրությունը նախատեսել է ժամկետ: Մի քիչ համբերեք, ամեն ինչ պարզ կլինի: Ձեզ սթրեսի մի ենթարկեք»:
Կարդացեք նաև
Հռիփսիմե ՋԵԲԵՋՅԱՆ
Նույնիսկ տնտեսական ֆանտաստիկ աճ ու առաջնթաց ունեցող երկրները իրենց թույլ չեն տալիս սահմանդրությամբ նախատեսված ժամկետի վերջին օրը (մեր դեպքում 10-րդ) նշանակել վարչապետ և 20-րդ օրն էլ կառավարություն: Չնայած մի կողմից էլ երևի ճիշտ են, ավելի լավ է կառավարություն ընդհանրապես չունենանք եթե պիտի նախորդի նման ղեկավարեն:
Գագիկ Մինասյանն այն դեպքն է, երբ ափսոսում ես, որ հայոհայնքը կայքում տեղ չի գտնելու…