Այսօր Հայաստանի ֆուտբոլի ֆեդերացիայի նախագահ Ռուբեն Հայրապետյանը մի քանի լրագրողների հետ հանդիպման ժամանակ խիստ քննադատության է ենթարկել Հ1-ի մարզական մեկնաբանների աշխատանքը ֆուտբոլի աշխարհի առաջնության ուղիղ եթերում՝ արտահայտելով այն միտքը, թե նրանց պետք է արգելել մոտենալ ֆուտբոլին:
Aravot.am-ը փորձեց իմանալ Հանրային Հեռուստաընկերության մարզական մեկնաբանների կարծիքը ՀՖՖ նախագահի՝ իրենց աշխատանքին տված գնահատականի մասին:
Կարեն Գիլոյան. «Չեմ լսել ու չգիտեմ, թե նա ինչ է ասել, քանի որ շատ զբաղված եմ իմ աշխատանքով: Մեկնաբանություն չունեմ»:
Կարդացեք նաև
Սլավա Սարգսյանն ասաց, թե նոր է մտել տուն ու քիչ հետո կնայի տեսագրությունը: Նրա խոսքերով՝ իրենց ղեկավարությունը պետք է որ վաղը պաշտոնական պատասխան հրապարակի: Այնուամենայնիվ, պայմանավորվեցինք տեսագրությունը դիտելուց հետո զրուցել: Բայց դրանից հետո նա անհասանելի էր:
Մենուա Մեհրաբյան. «Ես ֆուտբոլի ֆեդերացիայի նախագահի խոսքերը մեկնաբանելու իրավունք չունեմ: Ասեմ միայն, որ ես իմ աշխատանքն եմ անում՝ սիրով, նվիրվածությամբ եւ հաճույքով»:
Ռոբերտ Գասպարյան. «Ես պարոն Ռուբեն Հայրապետյանին չեմ պատասխանի: Իսկ այ, լրագրողին, որը նրա հետ հարցազրույց է վարել, ասելիք ունեմ: Հավանաբար, վաղը»:
Աշոտ ՀԱԿՈԲՅԱՆ
Մենւա Մեհրաբյանը բրազիլացիներին գերմանացիներից բաց թողած առաջին գօլից հետո խորհուրդ էր տալիս ինչպես պաշտպանվել,սակայն բրազիլացիները անսացին նրա խորհուրդին և բաց թողեցին ևս 6 գոլ:Կամ,Գալին հորդորում էր ում դաշտից հանել և ում մտցնել:Նորից չլսեցին նրան և պատժվեցին:Նա ոչ թե մեկնաբան պետք է լինի,այլ մարզիչների արտահաստիքային խորհուրդատու:Իսկ,որ նրա շատախոսության պատճառով ռուսական ալիքով ենք ֆուտբոլ նայում,նա պետք է դրա մասին մտածի:Եվ մյուս հաղորդավարները նույնպես..Ռուբեն Հայրապետյանը ճիշտ է:
Հազվագյուտ դեպքերից մեկն է, երբ Հայաստանի ֆուտբոլի ֆեդերացիայի նախագահը ֆուտբոլի հետ կապված օբյեկտիվ բան է ասել:
Մարզական մեկնաբանները, իհարկե, վիրավորված կլինեն այդ խոսքից, բայց առարկելու դեպքում խեղճերը աշխատանքից կզրկվեն (իսկ այ, լրագրողին, որը հարցազրույց է վերցրել, ասելիք կունենան` դրա համար նրանց համարձակությունը կհերիքի):
Ես չեմ հասկանում , թե հանրայինը ինչ սկզբունքով է ընտրել մեկնաբաններին : Քալանթարյանը , Մելիքբեկյանը , Չախոյանը , Բաղդասարյանը անգործության են մաատնված , իսկ մենք ստիպված ենք ռուսական մեկնաբանությամբ նայել խաղը : Ոչինչ , դիմացեք , ընդամենը երկու խաղ :
Լավ կլիներ Հ1 մեկնաբաններն էլ ռուսական ալիքներուվ ֆուտբոլ դիտեին, գոնեի կսովորեին թե ինչի մասին է պետք խոսել խաղը մեկնաբանելիս։ Մրցավարներին դատել են սովորեցնում, խախացողներին խաղալ, մարզիչներին տակտիկա ու փոփոխություններ,մնումա բժիշկներին էլ բուժել սովորեցնեն ու վերջ, շատ բազմակողմանի զարգացած տղաներ են։