Շենգավիթ վարչական շրջանի ընդհանուր իրավասության դատարանում մարտի 3-ին դատավոր Նելլի Բաղդասարյանի նախագահությամբ շարունակվում է քննվել Վարդգես Գասպարի գործը:
Դատական նիստին ուշացումով ներկայացավ Վարդգես Գասպարիի պաշտպանը, դատարանը հետաքրքրվեց, թե ինչո՞ւ է բացակայում Վարդգես Գասպարին, արդյոք կներկայանա՞ դատական նիստին: Տիգրան Եգորյանը դատավորին հիշեցրեց, որ ինքն էր վեց ժամով Գասպարիին հեռացրել դատական նիստերից: Նելլի Բաղդասարյանը պատասխանեց, որ դատարանը թույլ է տվել նրան մասնակցել նիստին եւ ծանուցել է նրան դատական նիստի օրվա եւ ժամի մասին:
Դատական նիստը ընդմիջվեց հինգ րոպեով, որպեսզի Տիգրան Եգորյանը փորձի ապահովել իր պաշտպանյալի ներկայությունը: Վերադառնալով՝ Տիգրան Եգորյանը հայտարարեց, որ Գասպարին պատշաճ ծանուցված չէ եւ հիմա այլ գործերով է զբաղված, հետեւաբար՝ չի կարող ներկայանալ դատական նիստին: Եգորյանը խնդրեց, որպեսզի ծանուցագրի մեջ նշվի, որ իր վստահորդի մոտ հարցեր չառաջանան:
Դատական նիստը հետաձգվեց, հաջորդ դատական նիստը նշանակվեց մարտի 9-ին:
Կարդացեք նաև
Ամի ՉԻՉԱԿՅԱՆ
