Aravot.am-ը Երևանի Վ.Բրյուսովի անվան պետական լեզվահասարակագիտական համալսարանի ռեկտոր Գայանե Գասպարյանին խնդրեց մեկնաբանել ՀՀ գլխավոր դատախազության տարածած հաղորդագրությունը, ըստ որի՝ ՀՀ գլխավոր դատախազության պետական շահերի պաշտպանության վարչության ուսումնասիրությունների արդյունքում բուհում հայտնաբերվել է 15.772.383 ՀՀ դրամ արժողության նյութական միջոցների պակասորդ եւ գործ է հարուցվել, քանի որ այդ «փաստը պարունակում է յուրացման կամ վատնման եղանակով առանձնապես խոշոր չափերով գույք հափշտակելու հանցագործության հատկանիշներ»:
«Ինչպե՞ս եք ուզում մեկնաբանեմ»,- սկզբում ասաց ռեկտորը:
Ապա հավելեց. «Այո, գործ է հարուցվել, թող իրավապահ մարմիններն ուսումնասիրեն եւ ասեն, իսկ ես որեւէ մեկնաբանություն չեմ կարող այս պահին անել»:
Մեր դիտարկմանը՝ չէ՞ որ լուրջ մեղադրանք է, տիկին Գասպարյանը պատասխանեց. «Ուսումնասիրություններ են եղել, բացահայտվել են որոշ բաներ, բաներ կան, որ ես ինքս եմ բացահայտել, ինքս եմ հայտնել, եւ հիմա ուսումնասիրությունները շարունակվում են»:
Կարդացեք նաև
Ռեկտորը չի կարծում, թե այսկերպ ուզում են իրենից ազատվել: «Այդ պատկերը հնուց եկած բան է»,-շեշտեց նա:
Գոհար ՀԱԿՈԲՅԱՆ
