Այլընտրանքային ճանապարհը կարեւոր է՝ որպես այլընտրանք Լարսի անցակետին, քանի որ անցակետով եւ լաստանավով բեռնափոխադրման գներն իրար մետ են
«Ռուս գործընկերների հետ բանակցությունները եղել են եւ այս ամիս էլ շարունակվելու են: Մենք նախնական հետաքրքրվածություն ենք հայտնել, որ ուզում ենք ունենալ երկու լաստանավ: Հիմա նման հնարավորություն կա, քանի որ Ղրիմում կամրջի կառուցումից հետո ռուսական կողմում այս պահին պարապուրդի մատնված լաստանավեր կան»,-ԱԺ-կառավարություն հարցուպատասխանի ժամանակ այսօր հայտարարեց Տարածքային կառավարման եւ ենթակառուցվածքների նախարար Սուրեն Պապիկյանը:
Նա նշեց. «Պետք է հասկանանք՝ դրանք հնարավորինս մատչելի տարբերակով մեզ տրամադրել հնարավո՞ր է: Հիմա գնդակը գործընկերների դաշտում է, պատասխանի ենք սպասում»: ԲՀԿ պատգամավոր Միքայել Մելքումյանը, ով հետաքրքրվել էր նշյալի մասին, շեշտեց՝ նման այլընտրանքային ճանապարհը կարեւոր է՝ որպես այլընտրանք Լարսի անցակետին, քանի որ անցակետով եւ լաստանավով բեռնափոխադրման գներն իրար մետ են:
Լուիզա ՍՈՒՔԻԱՍՅԱՆ
Կարդացեք նաև
Իսկ Լաստանավի նավավար չէք ուզում: ՀՀ քաղաքացի Մանվել Սարգսյանը Այժմ սովորում է այդ ուղղությամբ Դա Ես չեմ: