Արցախյան պատերազմում զոհված Արթուր Եղիազարյանի տատիկը՝ Ռոմելա Մուսայելյանը ֆեյսբուքյան էջում հայտնել էր, որ Ամանորին չի կարողանա գալ Եռաբլուր՝ թոռան շիրիմին այցելության, քանի որ ամուսնու հետ Մարտակերտում է՝ Արցախում, որն այս օրերին շրջափակված է։ Նա դիմել էր Եռաբլուր այցելողներին․ «Աղաչում եմ ձեզ, այցելեք իմ Արթուրին․․․ իմ ճանապարհը փակ է։ Մարդիկ, էրեխուս աչքը ճանապարհին կլինի»։
«Որդիների Կանչ» հասարակական կազմակերպությունը, որը միավորում է զոհված զինծառայողների ծնողներին՝ իր ֆեյսբուքյան էջում հայտնում է․ «Եկել ենք շնորհավորելու նաև անմահացած Արթուր Եղիազարյանի Ամանորը։ 19-ամյա Արթուրը զոհվել է Մարտունիում՝ հրադադարից հաշված ժամեր առաջ, դիպուկահարի կրակոցից»։
«Որդիների Կանչ»–ը հայտնում է․ «Մենք կանգնած ենք և միշտ ենք կանգնելու Արցախում գտնվող մեր հայրենակիցների կողքին։
Արցախը մեր կարիքն ունի։
Կարդացեք նաև
«Որդիների Կանչ» Հասարակական Կազմակերպությունը մաղթում է…
•Թող տարին խաղաղ լինի։
•ԹՈՂԵՔ, որ խաղաղ լինի։
•Մի՛ վաճառեք մեր հայրենիքը։
•Պայքարե’ք, որ հեռանա չարը, քանզի դա է միակ փրկությունը։
•Եվ վերջապես 2023-ին մաղթում ենք, որ ԱՊՐԵՆՔ։
•Մի երազեք, որ խաղաղություն լինի, այլ պայքարեք խաղաղության համար․ արժանապատիվ խաղաղության համար»։
