Լրահոս
Օրվա լրահոսը

Լուկաշենկոն և Ալիևը համատեղ հայտարարություն են ընդունել ԼՂ վերաբերյալ

Նոյեմբեր 29,2016 11:04

Բելառուսը և Ադրբեջանը հանդես են գալիս Լեռնային Ղարաբաղի հակամարտության՝ ըստ միջազգային իրավունքի նորմերի լուծման օգտին: Ինչպես գրում է բելառուսական ԲԵԼՏԱ գործակալությունը, այս մասին ասվում է երկու երկրների նախագահներ Ալեքսանդր Լուկաշենկոյի և Իլհամ Ալիևի համատեղ հայտարարության մեջ, որն ընդունվել է նոյեմբերի 28-ին՝ Բաքվում տեղի ունեցած հանդիպումից հետո:

Դրանում ասվում է, որ կողմերը կարևորում են Լեռնային Ղարաբաղի հակամարտության լուծումը՝ համապատասխան միջազգային իրավունքի նորմերի և համընդհանուր ընդունված սկզբունքների՝ «նախևառաջ պետությունների ինքնիշխանության, տարածքային ամբողջականության պահպանման և սահմանները չխախտելու հիման վրա, ինչպես նաև ՄԱԿ-ի Անվտանգության խորհրդի համապատասխան բանաձևերի և ԵԱՀԿ որոշումներին համապատասխան»:

Պետության ղեկավարները, հաշվի առնելով ԵԱՀԿ շրջանակներում, իրականացվող ջանքերը, ինչպես նաև Մինսկի խմբի և նրա համանախագահների գործունեությանը, կարևորել են նրանց լրացուցիչ քաղաքական խթան տալու անհրաժեշտությունը՝ դրանց հետագա արդյունավետությունը բարձրացնելու նպատակով:

Փաստաթղթում ասվում է, որ կողմերը կշարունակեն հետագայում էլ համաձայնեցված ջանքեր գործադրել միջազգային և տարածաշրջանային անվտանգության ամրապնդման, ահաբեկչության դեմ պայքարում բազմակողմանի համագործակցության արդյունավետության բարձրացման և այլ ժամանակակից մարտահրավերների դեմ պայքարելու համար:

 

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2016
Երկ Երե Չոր Հնգ Ուրբ Շաբ Կիր
« Հոկ   Դեկ »
 123456
78910111213
14151617181920
21222324252627
282930