Ըստ նախնական եւ դեռեւս վերջնականապես չճշգրտված տվյալների՝ նոր կառավարության կազմից դուրս կմնան Խոսրով Հարությունյանը, Դավիթ Զադոյանը, Հայկ Գեւորգյանը, Հայկ Նիկողոսյանը, Ռոլանդ Շառոյանը, Ռուբեն Տոնոյանը եւ, բնականաբար, Սերժ Սարգսյանն ու Սուրեն Աբրահամյանը (ի դեպ, վերջինս իր հրաժարականի մտադրության մասին հայտնել էր ԱԺ դահլիճից դուրս գալուց անմիջապես հետո)։
Ըստ ամենայնի, կառավարության փոփոխությունները կլինեն երկու փուլով։
ՈՉ ԹԵ ՍՈՉԻ, ԱՅԼ՝ ՄՈՍԿՎԱ
Կարդացեք նաև
Թեպետ հաղորդվել է, որ Ռուսաստանի նախագահ Ելցինն ընդհատել է իր արձակուրդը եւ մեկնել Մոսկվա, սակայն այդպիսով Քոչարյան-Ելցին հանդիպումը չեղյալ չի հայտարարվել։ Պարզապես Սոչիին կփոխարինի Մոսկվան։ Քոչարյան-Ելցին հանդիպման ժամանակ քննարկվելու են երկու պետությունների միջպետական հարաբերություններին վերաբերող հարցեր եւ Ղարաբաղի խնդիրը։
ՍՊԱՍՎՈՒՄ ԵՆ ԱՐՏԱՀԵՐԹ ԸՆՏՐՈՒԹՅՈՒՆՆԵՐ
Լավատեղյակ աղբյուրների վկայությամբ նախագահն ու ՊՆ հրամկազմը նախնական համաձայնության են եկել, որ ամռան սկզբին պետք է նշանակվեն արտահերթ խորհրդարանական ընտրություններ։ Այդ ընտրությունների ավարտից հետո կհայտարարվեն նախագահական վաղաժամկետ ընտրությունների ժամկետները։
ԲԱՆԱԿԻ ՀԵՏ ՊՐՈԲԼԵՄ ՉԿԱ՞
ՀՅԴ խորհրդարանական խմբակցության հետ հանդիպման ժամանակ նախագահ Ռոբերտ Քոչարյանը հավաստիացրել է, որ բանակի հետ պրոբլեմները վերացած են, եւ պետությունը բնականոն հունի մեջ է մտնում։
Դավիթ Լոքյանի հետ հարցազրույցը կարդացեք 2 էջում։
