ՆԳՆ-ն ավարտել է Նուբարաշենի թիվ 1 մեկուսարանում իրեն խոշտանգումների ենթարկելու վերաբերյալ Նաիրի Բադալյանի հայտարարությունների ստուգման նպատակով վարվող ծառայողական հետաքննությունը։ Սակայն ՆԳՆ անձնակազմի գծով տեսչության պետ Ռուդիկ Հովակիմյանն «Առավոտի» թղթակցի հետ հեռախոսազրույցում ասաց, որ արդյունքները նախ պիտի ներկայացվեն նախարարին ու քննարկվեն. «Նոր կարող ենք դրանց մասին խոսել»։ Մեր հարցին, թե արդյոք այդ հետաքննությունը նաեւ հետեւանքներ կունենա որոշ մարդկանց պատասխանատվության ենթարկելու առումով, պրն Հովակիմյանը պատասխանեց՝ «Անպայմա՛ն»։
Եվ չբացառեց, որ հետաքննության արդյունքները կարող են փոխանցվել հանրապետական դատախազություն։
Կարդացեք՝ էջ 3։
ԴԵՄԻՐՃՅԱՆՆԵՐԻ ՓԱՍՏԱԲԱՆԸ
Կարդացեք նաև
«Առավոտի» հարցին, թե արդյոք Դեմիրճյանի ընտանիքն է՞լ է պայմանագիր կնքել փաստաբանի հետ, որ տուժողի իրավահաջորդի իրենց շահերը պիտի ներկայացնի դատարանում, ՀԺԿ լրատվության պատասխանատու Ռուզան Խաչատրյանը պատասխանեց, որ առայժմ որեւէ մեկի հետ պայմանագիր կնքված չէ, ուղղակի իրավաբանական խորհրդատվություններն իրականացնում են Վլադիմիր Նազարյանն ու Աշոտ Սարգսյանը։ Հենց վերջինս էլ, որը ոչ միայն ԿԸՀ-ում «Միասնության» ներկայացուցիչն է, այլ ՀՀ փաստաբանների միության անդամ, ըստ «Առավոտի» ունեցած տեղեկությունների, դատարանում կներկայացնի Դեմիրճյանների շահերը։
ԻՆՉՈ՞Ւ ԱՆՑՅԱԼՈՎ
«Ես այլընտրանքային լրատվություն էի Ստեփանակերտից տալիս»,- երեկ «Առավոտին» ասաց լրագրող Վահրամ Աղաջանյանը։ – Ինչո՞ւ անցյալով։ Չե՞ս զբաղվում լրագրողական աշխատանքով։ – Առայժմ ոչ։ Ես զգուշանում եմ որեւէ հոդված տպագրելուց։ Ես չգիտեմ ո՞նց տպագրեմ, ի՞նչ թեմայի շուրջ գրեմ, ո՞նց գրեմ։ Ես հիմա, իրոք, խիստ զգուշանում եմ։ Մանավանդ, երբ գոյություն ունի ստվերային գրաքննություն։
Կարդացեք էջ 5:
