ԱԱ փոխնախարար Գրիշա Հարությունյանը Երեւանի Ուլնեցու փողոցում 30 հազար դոլարով մի տուն է գնել, որն էլ քանդել է եւ տեղում նորն է կառուցում։ Ինքը՝ պրն Հարությունյանը, հերքեց այս լուրն՝ ասելով, որ այդ տունը ոչ թե ինքը, այլ իր խնամին է կառուցում։ Ինքն էլ, որպես շինարար, եղել է տեղում եւ կառուցողներին մի քանի շինարարական խորհուրդներ է տվել։ Հետաքրքիր է, եթե ունեցվածքի հայտարարագրման մասին օրենք ունենանք, քանի՞ մեծ ու միջին, փոքր եւ ավելի փոքր պաշտոնյայի սեփական անունով սեփական ունեցվածք կարձանագրվի։
ՀԱՆԴԻՊՈՒՄ ԱՄԵՐԻԿՅԱՆ ՄԱԿԱՐԴԱԿՈՎ
ՀԺԿ վարչության նախագահ Ստեփան Դեմիրճյանը երեկ հանդիպեց ԱՄՆ ազգային դեմոկրատիայի ինստիտուտի ներկայացուցիչների հետ։ Հանդիպման ընթացքում պայմանավորվածություն ձեռք բերվեց կուսակցության տեղական կառույցների ակտիվի ուսուցում կազմակերպել։
Կարդացեք նաև
ՅՈ՞ ԵՐԹԱՍ
Մինչ նշանավոր ճանապարհորդ Յու. Սենկեւիչը նկարահանում է նույնքան նշանավոր ակադեմիկոս Գրիգոր Գուրզադյանին, Կոտայքի մարզի առաջին ատյանի դատարանը (վերջինիս հայցի քննության ժամանակ) գնացել է ս/թ հուլիսի 24-ից դատավոր Ն. Գալստյանին բացարկ հայտնելն ընդունել-չընդունելուն («Գալակտիկա» ՓԲԸ 49 աշխատակիցների կողմից արված)։ Բացարկի հարցը պետք է ճշտվեր 3 օրվա ընթացքում։ Սակայն մարզերում քաղ. դատ. օր.-ի պահանջը հաշվի չի առնվում հետեւյալ պատճառաբանությամբ. որոշում կայացնող դատավորները հողամասերում են, բերքահավաքի համար։
