«Առավոտը» դիմեց ԱԺՄ վարչության անդամ, ԱԺ պատգամավոր Սեմյոն Բաղդասարյանին, խնդրելով մեկնաբանել բաշխիչ ցանցերի մասնավորեցման առիթով կուսակցությունում ծագած տարաձայնությունների վերաբերյալ Արշակ Սադոյանի գնահատականները։ Հետեւեց այս պատասխանը. «Համարում եմ, որ ես չպետք է անմիջապես արձագանքեմ։ Քանի որ եթե գնանք նույն ուղղությամբ, որով գնում է պրն Սադոյանը՝ բացարձակ սեփական սկզբունքներից ելնելով ներկայացնելով հարցը եւ հաշվի չառնելով կուսակցական պատկանելությունը՝ ապա շատ մեծ պառակտում կմտցնենք ԱԺՄ-ի մեջ»։
ՀԱՑԱԴՈՒԼ ԿԱ
Երեկ Նոր Նորք եւ Ավան համայնքների առաջին ատյանի դատարանում ամբաստանյալ Աշոտ Հարությունյանը հայտարարեց, որ ինքը շարունակում է հացադուլը։ Հացադուլը սկսվել է հուլիսի 27-ից։ Չնայած Նուբարաշենի թիվ 1 մեկուսարանի պետը հավաստիացրել էր, թե հացադուլավոր չկա։ Ա. Հարությունյանը «վատառողջ լինելու» հայտարարությունն անելուց հետո հեռացվեց դատական նիստերի դահլիճից։
Կարդացեք նաև
ՀԵՌԱԽՈՍԱՅԻՆ ԱՆՈՒՐՋՆԵՐ
Դավիթաշեն համայնքի բնակիչներն այս ամառ հնարավորություն ստացան ոռոգման ջրով լվանալ իրենց գորգերն ու կարպետները: Եթե նույնպիսի արագությամբ իշխանությունները (ավելի ճիշտ՝ ԱրմենՏելը) դավիթաշենցիներին վերջապես ապահովեն հեռախոսով, ապա այս համայնքի բնակիչները, բան ու գործ թողած, կսկսեն շնորհակալական նամակներ գրել:
