ՀԺԿ-ական մի պատգամավոր «Առավոտին» հայտնեց, թե իր ունեցած հավաստի տեղեկությունների համաձայն՝ խորհրդարանի նոր նստաշրջանում սպասվում է, որ գլխավոր դատախազը կդիմի եւս մի պատգամավորի՝ քրեական պատասխանատվության ենթարկելու միջնորդությամբ։ Հայտնի չդարձավ, թե ով է այդ պատգամավորը։ Միայն ասվեց, որ խոսքը Ռուբեն Գեւորգյանի (Ծաղիկ Ռուբոյի) մասին չէ։
ՄԵԿ ԱՅԼ ԳՐԻՇԱ
Օրեր առաջ «Առավոտը» վերաշարադրել էր ասեկոսեները ռազմական ոստիկանության պետ Վովա Գասպարյանի եւ ԱԱ փոխնախարար Գրիշա Հարությունյանի պարբերական ընդհարումների վերաբերյալ, որին հետեւեց երկու պաշտոնյաների հերքումը։ Դրանից հետո տեղեկություններն «Առավոտին» տրամադրած աղբյուրները ճշտեցին, թե իրականում Վովա Գասպարյանի հակամարտությունն այլ Գրիշայի՝ ՀՀ նախագահի եւ բարձրաստիճան պաշտոնատար անձանց անվտանգության վարչության պետ Գրիշա Սարգսյանի հետ է։ Շփոթի պատճառը ոչ միայն անվան նույնականությունն էր, այլ այն, որ նախկինում այդ վարչությունն ԱԱՆ-ի կազմում էր։
Կարդացեք նաև
ԱՅՍՔԱՆ ՈՒՐԱԽ ԿՅԱՆՔԸ ՄԵՐ…
Քրիստոնեության ընդունման 1700-ամյակի կապակցությամբ ստեղծված պետական հանձնաժողովը դիմել էր բազմաթիվ կազմակերպությունների՝ տոնակատարությունն առավել շուքով անցկացնելու վերաբերյալ առաջարկներ ներկայացնելու խնդրանքով։ «Բարի լոտո» ՍՊԸ-ն ի պատասխան հետեւյալ առաջարկն է գրավոր ներկայացրել. «Հազար բարի» խաղարկության անցկացում»։
«Առավոտը» ենթադրեց, թե ինչ առաջարկ պիտի ներկայացրած լինի Նուբարաշենի թիվ 1 քննչական մեկուսարանը. «1700 կալանավորի խոշտանգում» կամ նախագահի աշխատակազմը՝ «Քոչարյան-Ալիեւ 1700 հանդիպումների անցկացում»։
