Գերմանացի սոցիոլոգները հարցումներ են կատարել` պարզելու համար, թե որ հիվանդություններից են ամենաշատը վախենում Գերմանիայում: Focus գերմանական առողջապահական ամսագիրը, հիմնվելով այդ հարցումների արդյունքների վրա, գրում է, որ առաջին տեղում քաղցկեղն է: Հարցվածների ավելի քան երեք քառորդը վախենում է, որ իրենց մոտ կարող է հայտնաբերվել չարորակ ուռուցք:
Շատերը խոստովանել են, որ վախենում են հիվանդության դժվար ընթացքից եւ նրա անսպասելի հայտնվելուց: Ընդ որում 14-29 տարեկաններն ավելի քիչ են անհանգստանում քաղցկեղ ձեռք բերելուց, քան մեծահասակները, դրա փոխարեն նրանց մտահոգում են այլ հիվանդություններ:
Հարցվածների 57 տոկոսն ասել է, որ վախենում է դժբախտ պատահարի ենթարկվելուց եւ արդյունքում լուրջ վնասվածքներ ստանալուց:
Սոցհարցման մասնակիցների կեսից ավելի վախենում է ինսուլտից եւ ձեռքբերովի թուլամտությունից, իսկ 45 տոկոսը տեղեկացրել է, որ անհանգստանում է սրտի նոպաներից:
Կարդացեք նաև
Նրանց մեկ երրորդից ավելին խոստովանել է, որ զգուշանում են հոգեկան խանգարումներից, այն դեպքում, որ նախորդ տարի հոգեկան խնդիրները վախեցնում էին ընդամենը տաս տոկոսին: Հետաքրքիր է, որ 30- 44 տարեկան գերմանացիները դեպրեսիաներից անգամ ավելի շատ են վախենում, քան սրտի նոպայից:
