Ընտրությանը մասնակցած այս կամ այն անձի տվյալները պահանջելու` 6 կուսակցությունների դիմումը հավանաբար ազգային անվտանգության ծառայությունը կբավարարի, առայժմ ԱԱԾ-ն ուսումնասիրում է դիմումին դրական պատասխանելու հնարավորությունները: ԱԱԾ-ի վերջնական պատասխանը հայտնի կդառնա այսօր: ՀՀԿ-ի ՀՅԴ-ի, ՕԵԿ-ի, Կոմկուսի եւ ՀԴԿ-ի նախաձեռնությանը դրական պատասխանի դեպքում, փաստորեն, ընտրությունների օրվանից մինչեւ ընտրությունների արդյունքներն անվավեր ճանաչելու համար ընտրական հանձնաժողով դիմում ներկայացնելու ժամկետի ավարտը այս 5 կուսակցությունների մեկական ներկայացուցիչներ կկարողանան դիմել եւ օգտվել ԱԱԾ ՍԷԿՏ համակարգից` ստուգելու համար իրենց ունեցած տեղեկությունն այն մասին, թե արդյո՞ք այս կամ այն անձը բացակա՞ է, երբ նրա ստորագրությունն առկա է քվեարկողների ցուցակում: Սա այն պարարագայում, եթե տվյալ ընտրատեղամասի արդյունքներն անվավեր ճանաչելու համար դիմում է ներկայացվել կամ ներկայացվելու է:
«Ազգ»
