Կենտրոն եւ Նորք-Մարաշ վարչական շրջանի ընդհանուր իրավասության դատարանի դատավոր Մխիթար Պապոյանը երեկ հրապարակեց «Մոսկվա» կինոթատրոնում 2010թ.-ի հունվարի 10-ին կատարված գողության գործով դատավճիռը:
Գողության մեջ մեղադրվող Ստեփան Հովակիմյանը դատապարտվեց 3 տարի ազատազրկման, իսկ այս գործով մեկ այլ մեղադրյալի՝ Վահրամ Քերոբյանի նկատմամբ կատարվեց արդարացման դատավճիռ:
Հիշեցնենք, որ մեղադրողը պահանջել էր 6 տարվա ազատազրկում Ստեփանի համար:
Այս գործով տուժող ճանաչված «Մոսկվա» կինոթատրոն» ընկերությունն առանձին քաղհայցով կմտնի դատարան, բայց այդպես էլ պարզ չդարձավ, թե ի վերջո՝ դրամարկղից գողացվե՞լ է 5 մլն 45000 ՀՀ դրամ, 10000 ռուբլի՞, թե՞ 2,5 մլն ՀՀ դրամ գումար:
Ռուզան ՄԻՆԱՍՅԱՆ
