Խնձորի քացախը մեծ քանակությամբ կալիում է պարունակում: Այս հանքանյութն անհրաժեշտ է մաշկի փափկության եւ առաձգականության, անոթների պատերի եւ սրտամկանի ամրացման համար: Քացախում պարունակող պեկտինը զգալիորեն իջեցնում է խոլեստերինի պարունակությունը եւ այդպիսով նվազեցնում սրտանոթի կաթվածի հավանականությունը: Կալցիումն անհրաժեշտ է ատամների եւ ոսկորների ամրության համար: Բետա-կարոտինը կանխարգելում է ժամանակից շուտ ծերացումը: Մագնիումը օժանդակում է օրգանիզմի նորմալ նյութափոխանակությունն ապահովող ավելի քան երեք հարյուր ֆերմենտների ակտիվությունը:
Օրգանիզմի ընդհանուր կազդուրման համար խորհուրդ է տրվում ամեն օր ոչ մեծ քանակությամբ խնձորի քացախ ընդունել, 2 թեյի գդալ քացախը խառնել 1 բաժակ ջրին, քաղցրացնելով 1-2 թեյի գդալ մեղրով, որը ցանկալի է ընդունել առավոտյան, սոված փորին:
Մաշկի առաձգականությունը վերականգնելու համար թրջել կտորը քացախաջրով՝ 5 ճաշի գդալ քացախ կես լիտր ջրին, եւ դնել մաքուր մաշկին 10 րոպե: Պիգմենտային բծերը կարելի է որոշ չափով գունաթափել խնձորի քացախի եւ սոխահյութի միջոցով. 1 թեյի գդալ սոխահյութը խառնել 2 թեյի գդալ քացախի հետ, երեկոյան քսել խառնուրդը մաշկի համապատասխան մասերին եւ թողնել ողջ գիշեր:
Ոտքերի հոգնածությունը եւս կարելի է հանել խնձորի քացախով լի տաշտի մեջ դնելով ոտքերը. 3 բաժակ խնձորի քացախը բացել 1 լիտր ջրում:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
14.02.2015
մագնիում = ՄԱԳՆԵԶԻՈՒՄ (Mg)