ՊՊԾ գնդի գրավմանը հաջորդած հավաքների ընթացքում ոստիկանների հանդեպ բռնություն կիրառելու, մասնավորապես՝ նրանց վրա քար նետելու մեջ մեղադրվող Գագիկ Միքայելյանի պաշտպան Անի Չատինյանն այսօր կայացած դատական նիստում հանդես եկավ եզրափակիչ ճառով:
Նա նշեց՝ եթե դատարանը գա եզրահանգման, որ առկա է հանցակազմ, ապա պետք է հաշվի առնել որոշ հանգամանքներ: Գագիկ Միքայելյանը, ինչպես նշեց պաշտպանը, նախկինում դատապարտված եւ արատավորված չի եղել եւ մինչեւ կալանավորվելն աշխատել է 142 դպրոցում՝ որպես պատմության ուսուցիչ: «Ազատության մեջ գտնվելու դեպքում՝ նա կարող է շարունակել աշխատել, քանի որ ուժի մեջ է աշխատանքային պայմանագիրը: Նա ամուսնացած է, երկու տարեկան երեխա ունի: Կինը բնակվում է հաշմանդամության թոշակառու մոր հետ: Միքայելյանը նրանց միակ կերակրողն է: Պարտադիր զինվորական ծառայության ընթացքում նա աչքի է ընկել պարտաճանաչությամբ, նրա հայրն «Արաբո» ջոկատի ազատամարտիկ է: Նա մեկ վայրկյան չի մտածել ու ապրիլին մեկնել է սահման՝ որպես կամավոր»,-հայտնեց փաստաբանը եւ դատարանին ներկայացրեց Միքայելյանի մասին համապատասխան բնութագրեր ու փաստաթղթեր:
Վերջին խոսքում Գագիկ Միքայելյանն ասաց. «Նպատակ չենք ունեցել բռնություն կիրառել: Լուսաձայնային նռնակների նետումը անսպասելի սկսվեց, սկսեցինք պաշտպանվել: Խնդրում եմ հաշվի առնել, որ խնամակալության ներքո ունեմ կին եւ երեխա»:
Դատարանը խորհրդակցական սենյակից գալով՝ որոշեց Գագիկ Միքայելյանին մեղավոր ճանաչել եւ դատապարտել երեք տարվա ազատազրկման:
Կարդացեք նաև
(Հիշեցնենք, որ դատարանի որոշմամբ՝ այս գործով նիստը թույլատրված էր նկարահանել առաջին տասը րոպեն):
Լուիզա ՍՈՒՔԻԱՍՅԱՆ
Կեցցե հայաստանյան դատարանը, աշխարհի ամենաարդարն ու սիրվածը(լավ է՞ր«Առավոտ»ջան):
Պատիժը խիստ ու ծանր է, պարզ է:
Սակայն, ըստ հոդվածի վերնագրի insinuation-ին,
պէտք է որ հասկանանք թէ,
եթէ մէկը ռազմաճակատ գացած է,
պէտք է որ Օրէնքը տարբեր կերպո՞վ կիրարկվի իր պարագային,
երբ որ հանցագործություն կատարէ…
Այդ տրամաբանությամբ,
18 տարիքից վեր բնակչության բոլոր տղամարդիկը,
առաւել շատ մը օրիորդներ եւ տիկիններ,
սովորական Օրէնքից բարձր են դասվելու:
Օրենքը հաշվի է առնում բոլոր հանգամանքները ի տարբերություն մեր ,,օրինապահ” դատարանի:
ջանս, հասկացա… մի քանի բան գիտեմ, Օրէնքի մասին
սակայն եթէ ռազմաճակատ գնալը մաս կազմէ այս հանգամանքներին, Հայաստանի պարագային, համարյա թէ բոլոր նյութի առարկա բնակչությունը օգտվելու է անկէ, եւ այլեւս Օրէնքի նախնական կիրառումը իմաստ չունի
իսկ այս մասնահատուկ պարագային, թոյլ տվէք, մի բան ել ասեմ՝
կարելի է օրինապէս առարկել որ ռազմաճակատ գացած անձը պիտի որ ա՛լ աւելի գիտակցի թէ երկրին համար որքան վնասակար է ոստիկաններ քարկոծելը, ներքին քաղաքացիական պատերազմ սկսելը…