Այս ամենը ստվերում է Հայաստանի ամբողջ տարածքում մոլեգնող նոր վիրուսը, որը կոչվում է դանակոմանիա։ Այդ վիրուսը տարածված է հատկապես մեծամասնական ընտրակարզով ձեւավորված ընտրատարածքներում։ Այդ ընտրատարածքներում իրենց թեկնածությունը առաջադրած քաղաքացիները վիրուս կպնելու դեպքում շատ արագ կորցնում են ինքնատիրապետումը։ Հիվանդության նախնական ախտանիշներն են. սեփական եսի մասին մեծ կարծիք, իրեն ընտրատարածքում թագավոր զգալու, կատաղության նոպաներ, ջղաձգումներ, որոնք պարանոյայի են հասնում, երբ նույն ընտրատարածքում հիվանդները այլ թեկնածուներ են տեսնում։ Այդ ժամանակ հիվանդությունը հասնում է իր գագաթնակետին, հիվանդ թեկնածուների աչքերը արյունակալում են, նրանք ձեռքները դանակներ են վերցնում եւ սկսում աջ ու ձախ այլ թեկնածուներին դանակահարել։
Բժիշկներն առայժմ այդ հիվանդության բուժման որեւէ դեղատոմս չունեն, այնպես որ, վիրուսը սպառնում է բոլոր ընտրատարածքներում վարակել մարդկանց։ Հայտնի է միայն, որ այդ վիրուսի նկատմամբ անզոր են հատկապես Հանրապետական կուսակցության անդամները, ներկայացուցիչները, ինչը բացատրվում է նրանց նժդեհական գենետիկայով։
Դեռ լավ է, որ վիրուսի օջախը հայտնաբերել են. այն գտնվում է Արագածոտնի մարզում։ Առաջին հիվանդը բազմակուսակցական, բազմասերիանոց, բազմաթիվ արկածների մեջ հայտնված, խորհրդարանի պատգամավորական աթոռը սեփական տան բազմոցի հետ շփոթած բազմասեր մի անձնավորություն է, որի անունը չենք ցանկանում այստեղ նշել։
Ու գնա՜ց։ Արարատի մարզի Սայաթ-Նովա գյուղում ՀՀԿ-ական վիրուսակիրը դանակահարել է ԲՀԿ-ի մարզային կառույցի ներկայացուցչին։ Տուժածին վիրահատել են։ Մնացած դանակահարություններին չենք անդրադառնում։ Առայժմ։
Կարդացեք նաև
Մհեր ՂԱԼԵՉՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում