Հունիսի 5-ին, ժամը 18:30-ի սահմաններում ուժգին կարկուտ է տեղացել Տավուշի մարզի Այրում համայնքի Դեբեդավան և Դեղձավան բնակավայրերում: Կարկուտն ուղեկցվել է հորդառատ անձրևով և փոթորկով: Վնասվել են գյուղացիական տնտեսությունների գյուղատնտեսական մշակաբույսերը, բազմամյա տնկարկները, խաղողի այգիները, խոտհարքները:
Նույնպիսի ուժգնության կարկուտ մայիսի 26-ին տեղացել էր նաև մարզի Վազաշեն համայնքում:Բոլոր համայնքներում համայնքային հանձնաժողովները գնահատում են վնասի չափերը, որոնք կներկայացվեն մարզպետարանում գործող համապատասխան մարզային հանձնաժողովին: Մարզպետարանից արդեն վնասի չափերը, ամբողջովին ճշգրտված և գնահատված, կներկայացվեն ՀՀ կառավարություն:
Տավուշի մարզպետարան
