«Գագիկ Խաչատրյանի կալանքը երկարաձգվել է»,- լրագրողների հետ զրույցում տեղեկացրեց Ֆինանսների նախկին նախարար Գագիկ Խաչատրյանի պաշտպան Երեմ Սարգսյանը:
Տեղեկացնենք՝ Երևան քաղաքի ընդհանուր իրավասության դատարանի Շենգավիթի նստավայրում հոկտեմբերի 24-ին հրապարակվեց դատարանի որոշումը (նախագահող դատավոր Արտուշ Գաբրիելյան) Գագիկ Խաչատրյանի կալանքի ժամկետը երկարացնելու ԱԱԾ-ի միջնորդության վերաբերյալ նրա պաշտպանների դիրքորոշման հետ կապված:
Նախորդ դատական նիստին պաշտպան Երեմ Սարգսյանը հայտարարել էր. «Մեր հակափաստարկները շատ օբյեկտիվ եւ տրամաբանական են։ Բազմիցս ասել, եւ հիմա էլ կրկնում եմ. Գագիկ Խաչատրյանը գտնվել է Գերմանիայում՝ հետվիրահատական պարտադիր բուժման մեջ։ Քննիչի ընդամենը մեկ զանգով նա դադարեցրել է բուժումը, վերադարձել, ներկայացել քննիչին, հույս ունենալով, որ թույլ կտան մեկ շաբաթով դարձյալ գնալ, բուժումը ստանալ եւ վերադառնալ»:
Կարդացեք նաև
Հիշեցնենք՝ օգոստոսի 27-ին խուզարկությունների ավարտից հետո, Գագիկ Խաչատրյանը և Կարեն Խաչատրյանը (ՀՀ ՊԵԿ նախկին բարձրաստիճան պաշտոնյա) ՀՀ քրեական օրենսգրքի 308-րդ հոդվածի 2-րդ մասով և 179-րդ հոդվածի 3-րդ մասի 1-ին կետով նախատեսված հանցագործությունների (ծանր հետևանքների առաջացմամբ զուգորդված պաշտոնեական դիրքի չարաշահում և առանձնապես խոշոր չափերով գույքի վատնում) կատարման կասկածանքով բերման են ենթարկվել ՀՀ ԱԱԾ քննչական դեպարտամենտ և ձերբակալվել։
Տաթև ՀԱՐՈՒԹՅՈՒՆՅԱՆ
