«ԵՄ-ի աջակցությունն ենք ստացել վարկի տեսքով, և դա մեծ օգնություն է Ուկրաինայի համար։ Մոտ մեկ շաբաթ առաջ մենք ստացանք օգնության երկրորդ բաժինը՝ ԵՄ-ն մեզ ապագայի վարկ տրամադրեց»,- Երևանում անցկացվող Եվրոպական քաղաքական համայնքի (EPC) 8-րդ գագաթնաժողովի բացման արարողությունից առաջ լրագրողների հետ զրույցում խոսելով Ուկրաինայի՝ ԵՄ ինտեգրման հավակնությունների մասին՝ ասաց Ուկրաինայի նախագահ Վոլոդիմիր Զելենսկին։
Ինչո՞ւ էր Կիևը 44-օրյա պատերազմի ընթացքում ֆոսֆորային ռումբեր մատակարարում Բաքվին. լրագրողի այս հարցը Զելենսկին թողեց անպատասխան։
Նշենք, որ Եվրոպական քաղաքական համայնքի գագաթաժողովն անցկացվում է Ֆրանսիայի նախագահ Էմանուել Մակրոնի նախաձեռնությամբ՝ 2022-ից։ Նա առաջարկել է այսպիսի հարթակ ձևավորել Ռուսաստանի՝ Ուկրաինայի դեմ կատարված ռազմական գործողություններից հետո։ Ըստ Էմանուել Մակրոնի՝ այս ձևաչափով հանդիպումները կնպաստեն քաղաքական երկխոսության և նաև անվտանգային հարցերի քննարկմանը։ Գագաթաժողովն անցկացվում է տարեկան երկու անգամ՝ մեկը՝ ԵՄ անդամ երկրում, մյուսը՝ ոչ ԵՄ անդամ երկրում։
Կարդացեք նաև
Եվրոպական քաղաքական համայնքի (EPC) 8-րդ գագաթնաժողովի բացման արարողությունն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ



















































