Ե՞րբ եւ ո՞ր գործիչն է արտահայտել այս միտքը. «Մամուլը ծախվելուց բացի այլ պարտավորություն էլ ունի պետության եւ ժողովրդի առաջ՝ մտածել ապագայի մասին եւ ոչ թե գրել միայն վատի մասին ու քննադատել»։
ՆԱԽՈՐԴ
Մեր խորագրին մշտապես հետեւող եւ ամեն օր իր պատասխանները հայտնող Գեւորգ Գույումջյանը երկրորդ փորձից ճիշտ գուշակեց, որ ՀՀԿ նախագահ Անդրանիկ Մարգարյանն էր 1998-ին ասել. «Երբ ի պաշտպանություն Քոչարյանի ընտրարշավի մեջ մտանք՝ պայմանավորվածություններ չկային եւ այսօր էլ չկան, թե սա անում ենք ապագայում ինչ-որ մի բան ստանալու համար։ Պայքարի մեջ էինք մտել մեր կուսակցության սկզբունքների համար, քանզի Քոչարյանի նախընտրական ծրագիրը դրանց հետ նույն ուղղվածությունն ունի»։ Ի դեպ, սա Գեւորգ Գույումջյանի 4-րդ հաղթանակն է։ Եվ առայժմ նա խմբագրությունում է կուտակում իր դրամական մրցանակները։
