ՀՀ կառավարությանն առընթեր անշարժ գույքի կադաստրի պետական կոմիտեի նախագահի երեք տեղակալների` օրերս Գյումրի կատարած այցի ժամանակ լրագրողներից մեկը նեղսրտելով հարցրեց, թե ինչո՞ւ են մեր երկրում այդքան բարձր գներ սահմանվել պետական գույքի գրանցման համար, որը շատ դեպքերում նեղության մեջ է գցում քաղաքացիներին:
Կադաստրի պետական կոմիտեի գույքի գրանցման վարչության պետ Հակոբ Մարտիրոսյանը չհամաձայնելով՝ ասաց. «Տնտեսագիտական հաշվարկ է կատարված, գները օդից վերցված չեն, թանկ, թե էժան, դա նվազագույնն էր, ինչ կարելի էր ստանալ պետական գրանցման համար: Գիտե՞ք օրինակ, Շոտլանդիայում ինչ արժե պետական գրանցումը`300-500 եվրո, ժամկետն էլ 3-4 ամիս է տևում, իսկ մեզ մոտ առավելագույնը 4 օր է: Շոտլանդիայի պես երկիրը չի վստահում իր քաղաքացուն, գնում գույքի պատմությունը հիմքից ուսումնասիրում է»:
Նունե ԱՐԵՎՇԱՏՅԱՆ
Շոտլանդիայի հետ ի՞նչ գործ ունեք: Մեզ մոտ գները, իրոք, անտրամաբանական բարձր է: էլ չասած, որ վկայականն էլ, հաճախ, սխալներով է տրվում…