Նախագահ Օբաման Ուկրաինայի տարածքային ամբողջականության և ինքնիշխանության համար վտանգ է որակել Ուկրաինայի Ղրիմի թերակղզում Ռուսաստանի զինված ուժերի ներկայությունը
ԱՄՆ-ի նախագահ Բարաք Օբաման Ուկրաինայի ժամանակավոր վարչապետ Արսենիյ Յացենյուկի հետ Սպիտակ տանն ունեցած հանդիպման ընթացքում ասել է, որ Միացյալ Նահանգներն ու իր դաշնակիցները ստիպված կլինեն «որոշակի գին կիրառել» Ռուսաստանի նկատմամբ, եթե վերջինս շարունակի իրականացնել Ղրիմի բռնակցման նպատակ հետապնդող հանրաքվեի անցկացմանն ուղղված ծրագրերը:
Ուկրաինայի վարչապետ Յացենկուկի հետ հանդիպման ընթացքում ԱՄՆ-ի նախագահ Օբաման ասել է, որ Միացյալ Նահանգները «կանգնած է Ուկրաինայի կողքին»:
ԱՄՆ-ի Սպիտակ տանը նախագահ Օբամայի անցկացված հանդիպումն իր առաջին հանդիպում էր Ուկրաինայի ժամանակավոր վարչապետի հետ:
Կարդացեք նաև
Նախագահ Օբաման Ուկրաինայի տարածքային ամբողջականության և ինքնիշխանության համար վտանգ է որակել Ուկրաինայի Ղրիմի թերակղզում Ռուսաստանի զինված ուժերի ներկայությունը: Նա ասել է նաև, որ Վաշինգտոնը «կտրականապես մերժում է» Ռուսաստանի աջակցությամբ կիրակի օրը կայանալիք հանրաքվեն:
Ուկրաինայի վարչապետ Արսենիյ Յացենյուկն իր հերթին շնորհակալություն է հայտնել Վաշինգտոնին աջակցության համար՝ նշելով, որ իր կառավարությունը պատրաստ է և ցանկանում է բանակցություններ վարել Մոսկվայի հետ:
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
