Հայաստանի գազամատակարարման եւ էներգետիկ համակարգերում տեղի ունեցած չարաշահումներն ամեն գնով պարտակելը Սերժ Սարգսյանի իշխանության համար դարձել է գերխնդիր։
Պարտակման հերթական դրսեւորումը եղավ երեկ՝ ԱԺ քառօրյա նիստի ժամանակ, երբ իշխող ՀՀԿ-ն մերժեց ՀԱԿ խմբակցության պատգամավորների ներկայացրած ԱԺ որոշման նախագիծը։ Մինչդեռ, դրանով ՀԱԿ-ն ընդամենը առաջարկում էր ԱԺ անունից ընդունել որոշում՝ գազամատակարարման
Ոլորտն ուսումնասիրող խորհրդարանական ժամանակավոր հանձնաժողովի եզրակացությունը դատախազություն եւ ՀԾԿՀ ուղարկելու մասին, որպեսզի իրավապահները հետաքննեն բացահայտված չարաշահումների վերաբերյալ փաստերը։
Մինչեւ նախագիծը քվեարկության դնելը Հայ Ազգային Կոնգրես խմբակցության ղեկավար Լեւոն Զուրաբյանը հայտարարեց՝ «ԱԺ գազի հարցով ժամանակավոր հանձնաժողովի եզրակացության մեջ հայտնաբերվել են բազմաթիվ չարաշահումների դեպքեր։ Որպեսզի հանձնաժողովի աշխատանքը արդյունք ունենա, ապա եզրակացությունը պետք է ուղարկել գլխավոր դատախազություն։ Արդյունքում՝ պարզ կդառնա, թե ներպետական մեխանիզմները կարող են արդյո՞ք պատշաճ կերպով արձագանքել հայտնաբերված չարաշահումներին»։
Կարդացեք նաև
Սակայն իշխանությունները չանսացին Զուրաբյանի կոչին, եւ ՀԱԿ նախաձեռնությանը կողմ քվեարկեց 45 պատգամավոր, դեմ էր 62-ը, ձեռնպահ՝ 3-ը:
Արման ԳԱԼՈՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
