Հաշվի առնելով, որ 2018 թվականին Հայաստանի Հանրապետությունում տեղի ունեցած ծանր հետևանքներով ճանապարհատրանսպորտային պատահարների հիմնական պատճառներից մեկը արագության ռեժիմի խախտումներն են, պատահարների նախականխման ուղղությամբ իրականացվող միջոցառումների շրջանակներում Ճանապարհային ոստիկանության կողմից փետրվարի 8-ից կկիրառվի շարժական լուսանկարահանող-արագաչափ սարք:
Խնդրում ենք բոլոր վարորդներին` պահպանել երթևեկության կանոնները ճանապարհների բոլոր հատվածներում՝ անկախ այն հանգամանքից, թե տվյալ հատվածները հատուկ տեխնիկական միջոցներով կամ ճանապարհապարեկային ծառայության ուժերով և միջոցներով վերահսկվում են, թե՝ ոչ:
ՀՀ ոստիկանություն
Մի կարևոր հանգամանք կա. պետք է տուգանված վարորդները հետևեն, որ ոստիկանի շարժվող մեքենայի արագությունը չգումարվի իր արագության: Ոստիկանության արագաչափիչները երկու կարգավորման հնարավորություն ունեն՝ կանգնած և ընթացքում:
1 ամիս հետո ոնց կհիշես 68կմ/ժ էիր ընդհանում թե 71կմ/ժ ու դա ինչ, որ մի պատահական ճանապարհի հատվածում, իսկ ընթացքում էր թե կանգնած նկարահանող մեքենան, դա արդեն անհնար է հետո ուշացումով պարզել: Այստեղից պարզ է դառնում որ գործ ունենք վիճելի ու “օրենքով” պաշտպանված կոռուպցիայի հետ: