Ես՝ հայրենադարձս, երբեք չեմ արտագաղթի, սեփականատեր եմ…
Իմը ուրիշին չեմ թողնում…
Երվանդ Մանարյան
Խոր ցավով տեղեկացանք հայ մեծանուն դերասան, ռեժիսոր, սցենարիստ, Հայաստանի Հանրապետության արվեստի վաստակավոր գործիչ, Հայաստանի Հանրապետության ժողովրդական արտիստ և Երևանի պատվավոր քաղաքացի, հայրենասեր ու հայրենանվեր Երվանդ Մանարյանի մահվան մասին:
Կարդացեք նաև
Նրա կերտած յուրաքանչյուր կերպար, նկարահանած յուրաքանչյուր դրվագ և գրված յուրաքանչյուր միտք, յուրահատուկ գույն ու բովանդակություն ունի:
Նա մարդ էր, ով ուներ բարձր արժեհամակարգ, գիտեր, որ ամենադժվարը մանուկների սրտեր ներթափանցելն ու գրավելն է: Նրան հաջողվեց հասնել այդ դժվարին ասպարեզում հաղթանակի: Փորձեց ու տեսավ, որ տիկնիկներին լեզու տալով մանուկների դեմքին ժպիտ ու խինդ է երևում: Հենց դա՛ էր նրա համար հրաշքը, հենց դա՛ էր իր երիտասարդության գաղտնիքը:
Վիշտը խորն է…
Հպարտ ենք, որ ունեցել ենք Ձեզ պես բազմատաղանդ անհատականության, արվեստի նվիրյալի և անկրկնելի հայի:
Խոնարհվում ենք Ձեր վաստակի առջև: Հավերժ կմնաք մեր սրտերում և հայ ազգի մշակույթի պատմության մեջ:
«Երկիր Ծիրանի» կուսակցություն
20 փետրվարի 2020 թ.
