Ապրանքների գների անզուսպ թանկացումները դեպրեսիայի մեջ են գցել գործազուրկ ու աղքատության ամենաբարձր ցուցանիշ ունեցող Գյումրիի բնակիչներին: Երեկ 50 կիլոգրամանոց մեկ պարկ այլուրի գինը 11 հազար դրամից դարձել էր 14 հազար դրամ, իսկ այս պահին արդեն 20 հազար դրամ է:
Ընդ որում՝ նկատի ունենանք, որ այլևս խանութներում նիսյայով ոչինչ չի վաճառվում, իսկ գյումրեցիների մեծ մասը միայն չոր հացի հույսին են: Մեկ կիլոգրամ կարագն այս պահի դրությամբ դարձել է 3100 դրամ՝ երեկվա 2800 դրամի փոխարեն, ձեթը ՝ 1100 դրամ՝ 700-ի փոխարեն, իսկ շաքարավազը թանկացել է 110 դրամով՝ 340-ից դառնալով 450 դրամ: 40 տոկոսով թանկացել են գրեթե բոլոր ապրանքատեսակները՝ մակարոնը, բրինձը, ձավարը:
Նկատենք, որ նախատոնական եռուզեռի փոխարեն ամայություն է խանութներում՝ հատուկենտ գնորդներ են հայտնվում, իսկ հագուստի խանութներում կարծես սուգ լինի, որոշ խանութներում հագուստը բացառապես վաճառում են դոլարով:
Նունե ԱՐԵՎՇԱՏՅԱՆ
շաքարավազը 700դրամա արդեն
Կարդացեք Նարեկացի և Չարենց… Լսեք Կոմիտաս… և հաճույք ստացեք..)))..
Աճեք հոգեպես..)))..
Հայրենիքին մի հարցրեք « ինձ ինչքամ շաքար կտաս», այլ հարցրեք « ես ինչքան շաքար տամ»..)))..