Դաշնակցական մամուլը ներկայացնող լրագրողներից մեկն ասուլիսում ՀՀՇ գործիչներին հիշեցրեց, որ քաղաքական կուսակցություններին ընտրարշավից դուրս մղելու առաջնությունն իրենց է պատկանում։ «Տասը տարեկանը չպիտի կրկնի հինգ տարեկանի սխալները»,- հակահարված տվեց ՀՀՇ վարչության փոխնախագահ Արարատ Զուրաբյանը։ Իսկ Արամ Մանուկյանը հավելեց. «Վերջին հաշվով, ես կուզեի հարցնել. ի՞նչ են ուզում ՀՀՇ-ից։ Էդքան վախենալո՞ւ ենք, էդքան բոբո՞ ենք, էդքան կե՞ղտ ենք»։ «Բա դաշնակները բոբո՞ էին»,- տեղից արձագանքեց լրագրողներից մեկը։
Կարդացեք նաեւ էջ 3։
ԿՐԱԿԵՄ ՀՐԱՉԸ 6-Ի ԱՊԱԳԱ ՊԵ՞Տ
Կարդացեք նաև
Ըստ որոշ տեղեկությունների, ՆԳ եւ ԱԱ նախարարության կազմակերպված հանցագործության դեմ պայքարի 6-րդ վարչության ներկայիս պետն արձակուրդ է գնացել եւ նրա պարտականությունների կատարումը դրվել է Հրաչ Հակոբյանի (Կրակեմ Հրաչի) վրա։ Համակարգում խոսակցություններ կան, որ հենց նա է մոտ ապագայում գլխավորելու այս վարչությունը։
ՍՈՎՈՐՈՒՅԹԻ ՈՒԺՈՎ
Շիրակի նախկին մարզպետ Արարատ Գոմցյանը քաղաքացիական նախաձեռնությամբ առաջադրվել եւ գրանցվել է որպես պատգամավորության թեկնածու թիվ 63 ընտրատարածքում։ Գյումրեցիները, սակայն, նրան ձայն տալ չեն պատրաստվում։ Դա գիտեն թե՛ պաշտոնյաները, թե՛ (ասում են) անձամբ պրն Գոմցյանը։ Սակայն իներցիայով հանուն Գոմցյանի հաղթանակի աշխատում են շատերը։ Այդ թվում՝ մարզի հարկային տեսչության պետը։
Ռեպորտաժը Գյումրիից՝ էջ 5։
ԱԶԱՏՈՒԹՅՈՒՆ ՎԱՆՈՅԻՆ
Վանո Սիրադեղյանի ձերբակալման կապակցությամբ հայտարարությամբ է հանդես եկել նաեւ ԱԺ «Հանրապետություն» խմբակցությունը։ Դրանում մասնավորապես ասված է. «Շարունակվող քաղաքական հետապնդումների այս ցինիկ քայլով, հերթական անգամ կոպտորեն ոտնահարվում է օրենքը, ինչպես նաեւ էապես խոչընդոտվում է Հայոց համազգային շարժման ընտրարշավը։ «Հանրապետություն» խմբակցությունը պահանջում է անհապաղ ազատ արձակել Վանո Սիրադեղյանին»։