Լեռնային Ղարաբաղի նախագահի մամուլի խոսնակ Դավիթ Բաբայանն անդրադառնալով Լեպյոխինի այն մտքին, թե ԼՂՀ-ն խոչընդոտում է Հայաստանի՝ ԵՏՄ-ի անդամակցմանը, ցանկացավ շեշտել, որ Արցախը անկախ պետություն է, եւ այս կամ այն կառույցին անդամակցում չի կարող լինել ի վնաս Հայաստանի եւ Արցախի։
«Եվրասիական տնտեսական միությանը անդամակցման հայտ ներկայացրել է միայն Հայաստանի Հանրապետությունը։ Չեմ կարծում, որ այս հարցը շահարկման կարիք ունի։ Կարծում եմ, որեւէ անհանգստանալու բան չկա։ Հայաստանը համառորեն պետք է պաշտպանի Արցախի շահերը, քանի որ վերականգնված չէ բանակցային գործընթացը, եւ ընդհանրապես, Ադրբեջանը փորձում է ինչ-որ ձեւով ցանկացած գործընթաց, լինի դա Հայաստանում կամ այլ վայրում, շահարկել։ Հետեւաբար, ադրբեջանական քայլերին պետք է լինի պատասխան եւ ոչ թե փորձենք քաղաքականացնել դրանք»։
Հարցին, թե այդուհանդերձ հնարավո՞ր է ապագայում Հայաստանի եւ Լեռնային Ղարաբաղի միջեւ թեկուզ ձեւական մաքսակետ դրվի, պարոն Բաբայանը պատասխանեց. «Չեմ կարծում։ Հայաստանի եւ Արցախի երկկողմ հարաբերությունները եւս պետք է հաշվի առնվեն։ Արցախի տնտեսությունը այնքան մեծ հզորություն չունի, որ ինչ-որ ձեւով խոչընդոտի կամ խափանի Եվրասիական միության աշխատանքները, այն դրա մի չնչին տոկոսը չի կազմելու»։
Թագուհի ՀՈՎՀԱՆՆԻՍՅԱՆ
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
