Armtimes.com-ը, ինչպես 1in.am-ը, «YouTube»–ում տեղադրած տեսանյութի հետ կապված նույնպես բողոք է ստացել։ Կայքի «YouTube» էջից հեռացվել է «Ձախ Հարութը խոնարհվում է Սերժ Սարգսյանի առաջ եւ երգում ՀՀԿ-ի համար» տեսանյութը։ «YouTube»-ը տեղեկացրել է, որ «Տեսանյութն այլեւս հասանելի չէ «Harout Pamboukjian»-ի հեղինակային իրավունքի խախտման մասին բողոքի պատճառով»։
Ուսումնասիրելով խնդրի վերաբերյալ ծանուցումը, պարզում ֊ենք, որ բողոքատուն իրավական ծանուցում է ուղարկել տեսանյութում իր հեղինակային իրավունքով պաշտպանված բովանդակությունն օգտագործելու վերաբերյալ։
Արդյունքում տեսանյութը հեռացվել է «YouTube»-ից, իսկ կայքի էջը ստացել է հեղինակային իրավունքի խախտման «դեղին քարտ», որը համարվում է որպես զգուշացում։ «Դեղին քարտի»՝ժամկետը սահմանվելու է մինչեւ 2017 թվականի հուլիսի 7-ը։
Իրավական պահանջը կարող էր տրամաբանական լինել, սակայն «YouTube»-ի բազմաթիվ օգտատերեր ներբեռնել են Ձախ Հարութի տարբեր տեսահոլովակներ, որոնք կարելի է անխոչընդոտ դիտել։ Միանշանակ է, որ երգիչը հեռացման պահանջ է ներկայացրել Սերժ Սարգսյանի առջեւ խոնարհվելու տեսանյութի համար:
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
