Այսօր ԱԺ-ում քվեարկության դրվեցին մի շարք օրենսդրական նախաձեռնություններ եւ բոլորն էլ ընդունվեցին:
Սակայն քվեարկությունների ժամանակ Նիկոլ Փաշինյանը նկատեց ուրիշի փոխարեն քվեարկություններ, իսկ ԱԺ կանոնակարգ օրենքով դա արգելվում է, խախտողն էլ համարվում է կարգազանց պատգամավոր:
Նիկոլ Փաշինյանը ԱԺ նախագահ Արա Բաբլոյանին հորդորեց ստուգել որոշ պատգամավորների քվեարկությունը: Նրա խոսքով՝ «Ես ուզում եմ արձանագրեք, որ պարոն Ալեքսանյանը ներկա չի, բայց ինչ-որ կարգով հեռակա քվեարկությանը մասնակցում է: Ես խնդրում եմ արձանագրություններից իր բացակայությունները ֆիքսեք: Չի եղել այստեղ Ալեքսանյանը եւ քվեարկել է»:
Արա Բաբլոյանը պատասխանեց, որ հաջորդ օրենքների քվեարկության ժամանակ հաշվի կառնեն, բայց Փաշինյանը պնդեց, որ արդեն քվեարկությունների 90 տոկոսն անցել է, Սամվել Ալեքսանյանը բացակա լինելով՝ քվեարկել է:
Հռիփսիմե ՋԵԲԵՋՅԱՆ