Քիչ առաջ Աջափնյակի 6/28 ընտրատեղամասում քվեարկեց «Բարեւ Երեւան» դաշինքի քաղաքապետի թեկնածու Արմեն Մարտիրոսյանը: Ընտրատեղամասում կուտակումներ էին, բայց թեկնածուին թույլ տվեցին առանց հերթի մտնել տեղամաս:
Քվեարկելու նա եկել էր մայրիկի հետ: Ասաց, որ ընտանիքի մյուս անդամները հանձնաժողովի անդամներ են, դրա համար էլ չեն եկել: Քվեարկությունից հետո պարոն Մարտիրոսյանը լրագրողների հետ զրույցում ասաց, որ երեկ խանութներից գնումներ կատարելիս, ինչպես նաեւ գազ լցնելիս պատմել են, որ բոլորը գալիս են 20 հազար դրամանոցներով: Դրա մեջ պարոն Մարտիրոսյանը միտում է տեսնում: Նա հայտարարեց, որ քվեարկել է այն դաշինքի օգտին, որը եկել է Երեւանում կառավարման համակարգը փոխելու լոզունգով:
Արմեն Մարտիրոսյանն ասաց, որ խախտումներ շատ են եղել, բայց քանի որ այսօր քվեարկության օր է, դրանց մասին կխոսի վաղը:
Կարդացեք նաև
Հռիփսիմե ՋԵԲԵՋՅԱՆ
