Բանից պարզվում է՝ վերջերս Մշակույթի նախարարությունը 700 հազար դրամով Զվարթնոցի տաճարի տարածքը վարձով տվել է մի կազմակերպության՝ ինչ-որ «Փարթի» կազմակերպելու համար։ Ականատեսների վկայությամբ, նույնիսկ հաջորդ օրը այստեղ մի քանի հարբած մարդիկ կային միայն վարտիքներով, եւ մարմնավաճառների հետ։
Վերջին հաշվով՝ Զվարթնոցի տաճարի անվանումն ինքը հուշում է, որ այնտեղ պիտի զվարթ միջոցառումներ անցկացվեն։ Ճիշտ է, զվարթուն՝ նշանակում է հրեշտակ, բայց Մշակույթի նախարարությունը պարտավոր չէ ուսումնասիրել կլիենտների բարոյական նկարագիրը։
Ի դեպ, Գառնիի հեթանոսական տաճարում էլ որոշ ծեսերի ժամանակ հայ աղջիկներն իրենց կուսությունն էին զոհաբերում։ Մնում է հուսալ, որ Մշակույթի նախարարությունում այս մասին տեղյակ չեն։ Թե չէ համապատասխան տուրեր կկազմակերպեին։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
