Լեռնային Ղարաբաղում սահմանադրական հանրաքվեին հետևող դիտորդներին Բաքուն կներառի Ադրբեջանի ԱԳՆ «սեւ ցուցակում»: Այս մասին «ՌԻԱ Նովոստիի» հետ զրույցում հայտարարել է Ադրբեջանի ԱԳՆ պաշտոնական ներկայացուցիչ Հիքմեթ Հաջիեւը: «Առավոտը» Արցախում գտնվող Եվրոպական խորհրդարանի անդամ Ֆրանկ Էնգելին խնդրեց անդրադառնալ այս հայտարարությանը: «Առաջին հերթին, այս հայտարարությունը նրանք միշտ են անում: Ես դեմ չեմ, եթե նրանք մտադիր են դա կիրառել, թո՛ղ անեն:
Վերջին անգամ, երբ ես ստուգեցի, իմ անունը այդ ցուցակում չէր: Այսպիսով՝ ես անհամբեր սպասում եմ դրան»,- ասաց Ֆրանկ Էնգելը: Նրա կարծիքով՝ Ադրբեջանի այս հայտարարությունը չի խոչընդոտի միջազգային դիտորդներին այցելել Արցախ. «Ես միշտ լսում եմ, որ Ադրբեջանը սպառնում է դա անել, բայց մենք դեռ այստեղ ենք: Դա բոլոր իրավունքների ոտնահարում է: Եթե որպես օրինակ վերցնենք Աբխազիան, Վրաստանն անգամ չի երազի սպառնալ ինչ-որ մեկին, ով գնում է Աբխազիա, երբեք թույլ չտալ մուտք գործել Ադրբեջան: Ադրբեջանը անում է դա Լեռնային Ղարաբաղի նկատմամբ: Թո՛ղ անեն»:
ԱՄԻ ՉԻՉԱԿՅԱՆ
Կարդացեք նաև
«Առավոտ»
21,02.2017
