Շատերին հայտնի Փառանձեմ մայրիկը` Արցախյան ազատամարտի առաջին զոհի` Էդիկ Տոռոզյանի մայրը, ապրիլի 9-ին նախատեսված Սերժ Սարգսյանի երդմնակալությունից առաջ իր բաց նամակն է ուղարկում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսին եւ ՀՀ նախագահ Սերժ Սարգսյանին:
«Եկել եմ այստեղ, որ միանամ այս բողոքին: Ցավում եմ, որ մեր հաղթանակած երկիրը հայտնվել է այս վիճակում: Արդյոք իմ որդին եւ նրա նման նվիրյալները այսպիսի՞ երկրի մասին էին երազում: Այս նախագահական ընտրությունները, ինչպես նախորդները, կարելի է համարել չկայացած: Բազմաթիվ ընտրախախտումներն ու կեղծիքները վկայում են այն մասին, որ հերթական անգամ իշխանությունները փորձում են հիմարեցնել մեր ամբողջ ժողովրդին: Մինչեւ տաքուկ աթոռները ու իշխանամոլության քաղցը կուրացրել է նրանց եւ լռեցրել հայ քրիստոնյաների վշտի ձայնը: Ամոթ չէ՞ մեզ , որ կեղծիքի ու ստի ճանապարհով իրեն նախագահ հորջորջող Սերժ Սարգսյանը պետք է ձեռքը դնի Սուրբ գրքի վրա եւ երդվի: Ո՞ւր է մեր Ամենայն Հայոց Կաթողիկոսի վճռականությունը ու սկզբունքայնությունը: Խնդրում են Ամենայն Հայոց Կաթողիկոսին չօրհնել այս ինքնակոչ նախագահին, թույլ չտալ երդվի Աստվածաշնչի վրա:
Թույլ մի՛ տվեք, որ օրհնվի քրիստոնեությունը, Սուրբ գիրքը: Կանգնեք ձեր հոտի կողքին եւ առաջնորդեք արդարության պայքարը»:
Արփինե ՍԻՄՈՆՅԱՆ
Եկեղեցական վերնախավը՝ առնվազն վերջին 20 տարիների ընթացքում, մշտապես եղել է տվյալ օրվա իշխանության սպասարկուն, սակայն չեմ բացառում, որ հասարակական ընդվզման շնորհիվ ինչ որ բան, այնուամենայնիվ, փոխվի:
Միամիտ ու բարեպաշտ Փառանձեմ Մայրիկ,մի՞թե Դուք ծանոթ չեք ,,Մի շաղ տվեք ադամանդները խոզերի առաջ,, ժողովրդական ասացվածքին…