ԽՍՀՄ օրոք քաղբանտարկյալ ԱԶԱՏ ԱՐՇԱԿՅԱՆԸ անդրադառնալով Մաքսային միությանը Հայաստանի միանալու որոշմանը, ասաց. «Ենթադրում եմ, որ կարող էին շատ ավելի վատ տարբերակներ լինել՝ արյունահեղություն, պատերազմ, շրջափակում և այլն»։
Ըստ Ազատ Արշակյանի՝ Ռուսաստանը Եվրամիությունից գողացավ Հայաստանը։
«Ի՞նչ կանի Եվրոպան իր կորուստը վերականգնելու, կորստի հետ հաշտվելու կամ կորուստը հետ ստանալու համար։ Ընդհանուր առմամբ ՀՀ-ն ոչինչ չի կորցրել։ Մենք կիսանկախ էինք, ՀԱՊԿ-ում էինք, կախվածության մեջ էինք։ ՀՀ-ն ինչ կարգավիճակ ուներ, մնացել է այդ նույն կարգավիճակում, չի շեղվել, կորցրել է Եվրոպան։ Եվրոպան ՀՀ-ին տանում էր իր մոտ, ճանապարհին նրանից խլեցին: ՌԴ-ն Հայաստանը վերադարձրեց իր ազդեցության ոլորտը։ Թե ինչ վերաբերմունք ցույց կտա Եվրամիությունը, դա իր գործն է։ Մենք պետք է սպասենք Եվրամիության արձագանքին»,- ասաց Ազատ Արշակյանը։
Ազատ Արշակյանին հիշեցրինք, որ Եվրահանձնաժողովն արդեն հրապարակել է հայտարարություն, որում, մասնավորապես, ասվում է. «Մենք անհամբերությամբ սպասում ենք, որպեսզի Հայաստանից լավագույնս հասկանանք իրենց մտադրություններն ու թե ինչպես են իրենք ցանկանում ապահովել համատեղելիությունը դրա և Ասոցացման ու ԽՀԱԱՊ համաձայնագրերով իրենց ստանծնած պարտավորությունները»։
Կարդացեք նաև
«Դա ԵՄ-ի գործն է, կայսրությունների պայքարի մեջ մենք խաղում ենք երկրորդական դեր։ Իսկ սրանից հետո Եվրամիությունը կամ պետք է պայքարի և հետ ստանա ՀՀ-ն որպես իր քաղաքակրթական դաշնակցի, կամ մենք կշարունակենք պայքարել և փուլ առ փուլ գնալ առաջ։ Կարծում եմ, հուսահատվելու պատճառ չկա»,- ասում է Ազատ Արշակյանը։
Զրուցեց Թագուհի ՀԱԿՈԲՅԱՆԸ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
