Գերմանիայի, Ֆրանսիայի եւ Մեծ Բրիտանիայի ղեկավարները հանդես են եկել հայտարարությամբ, որում, մասնավորապես, հայտնում են, թե «ցնցված են» Իրանի «ոչ ընտրողական եւ ոչ համաչափ» հարվածներից Միջին Արեւելքի երկրների ուղղությամբ: Եվրոպական երեք լիդերները կոչ են արել Իրանին՝ վերջ տալ այդ «խելահեղ հարձակումները»: Այսինքն՝ ձեզ հարվածում են, բայց դուք մի՛ պատասխանեք: Հավանաբար, փետրվարի 26-ին իրանական Մինաբ քաղաքում իսրայելա-ամերիկյան հարվածի արդյունքում 7-12 տարեկան առնվազն 160 աղջիկների սպանությունն այդ առաջնորդներին չի ցնցել, եւ այդ հարվածները նրանք, ըստ ամենայնի, համարում են «համաչափ» եւ արդարացված:
Կան արժեքներ եւ սկզբունքներ, որոնք քաղաքականությունից եւ այդ թվում՝ աշխարհաքաղաքականությունից վեր են: Ինձ համար վատ քաղաքական ռեժիմն արդարացում չէ՝ երկրի վրա հարձակվելու եւ մարդկանց սպանելու համար: Նման արդարացումը ես նույնքան անհամոզիչ եմ համարում, որքան Ռուսաստանի այն հեքիաթը, թե Ուկրաինան ուզում էր ՆԱՏՕ-ի անդամ դառնալ, եւ դրա համար ՌԴ զորքերն այնտեղ ներխուժեցին: Ագրեսիան ոչ մի արդարացում չունի: Շատ ցավալի է, ի դեպ, որ Հայաստանում էլ կան «ռուսամետ» կամ «ամերիկամետ» մարդիկ, որոնք, գոնե առաջին հայացքից, մարդակեր չեն, բայց ողջունում են Ուկրաինայում կամ Իրանում անմեղ մարդկանց սպանությունը:
Առավել եւս, մեղմ ասած, տարակուսելի է, երբ դա անում են մարդիկ, ովքեր պետք է որ եվրոպական արժեքների կողմնակից լինեն, որոնք, հիշեցնեմ, Կանտի, Վոլտերի, Լոքի հայրենակիցներն են: Ներկայիս եվրոպական առաջնորդների տրամաբանությունը շարունակելով՝ կարելի է հասնել նացիստների համակենտրոնացման ճամբարների կամ ստալինյան «Գուլագի» արդարացմանը: Չէ՞ որ Հիտլերն ու Ստալինը նույնպես «պատճառներ ունեին» մարդկանց սպանելու:
Եվ այսքանից հետո ես ինձ կարող եմ թույլ տալ կասկածել, որ ԵՄ-ն Հայաստանի համար խաղաղություն եւ ժողովրդավարություն է ուզում: Նրանք ուզում են Փաշինյանի վերարտադրությունը, որը ո՛չ խաղաղասեր է, ո՛չ էլ, առավել եւս, ժողովրդավար:
Կարդացեք նաև
…Սաուդյան Արաբիայում նույնքան վատ ռեժիմ է, որքան Իրանում: Ինչո՞ւ այդ երկրին չեն հարվածում:
Արամ ԱԲՐԱՀԱՄՅԱՆ
Լուսանկարում՝ Իրանի Մինաբ քաղաքի դպրոցի վրա Իսրայելի կողմից 2026 թվականի մարտի 2-ին հասցված հարվածից հետո զոհերի համար պատրաստված գերեզմանները:
Ի՞նչն է նոր:
Հայաստանը ամենից վեր, ամենից առաջ:
Ելնում եմ հետևյալից.
ա) եղել է Նախիջևանի ուղղությամբ օդային հարձակում (պարզ չէ թե որ կողմն է այն իրակացրել);
բ) եղել է Թուրքիայի վրա նույնանման հարձակում (պարզ չէ թե որ կողմն է այն իրականացրել), ՆԱՏՕ-ն հիշատակվում է;
գ) Թուրքիայի ու Ադրբեջանի արտգործնախարարները հեռախոսազրույց են ունեցել` քննարկել են Նախիջևանի ուղղությամբ իրականացված հարձակումը
դ) Իրանը դիտվում է թշնամական կողմ այս երկու պետությունների կողմից
ե) ալիև. «Մեր զորքերը մարտական պատրաստության վիճակի են բերվել»
թ) Գերմանիայի, Ֆրանսիայի եւ Մեծ Բրիտանիայի ղեկավարները տեղեկացրել են, որ ցնցված վիճակում են:
Այս դասավորությունը հատուկ ալիևի համար է ստեղծված` Նախիջևան հասնելու համար Սյունիքը ոտատակ տալը (քանի որ Իրանը թշնամական տարածք է ‘դարձել’) ընդունելի կլինի ԱՄՆ-ի, Իսրայելի, Թուրքիայի համար:
Գերմանիան, Ֆրանսիան եւ Մեծ Բրիտանիան ցնցված կլինեն, կկարեկցեն, բայց c’est la vie կասեն ու մնան անհաղորդ:
Սա է այն պատառը, որ կունենա Ազրբժանը (գումարած Հարավային Ազրբժան) Իրանի մասնատման արդյուքում: Արդյո՞ք սա չէր հստակեցրել ԴՋՎենսը փետրվարի այցելության ժամանակ:
Ի՞նչ գործի է հայկական զորքը:
ՍՅՈՒՆԻՔԸ` ՀԱՅԱՍՏԱՆԻ ՈՂՆԱՇԱՐԸ, ՎՏԱՆԳԻ ՏԱԿ Է: