Եկող տարի Ադրբեջանում կայանալու է Համաշխարհային սկաուտական շարժման կոնֆերանսը: Սկաուտական շարժման համաշխարհային կառույցի անդամ Բագրատ Եսայանի մասնակցությունն այդ միջոցառմանը կասկածի տակ է: «Ադրբեջան մեկնելու ամենահարմար ճանապարհն ինձ համար, բնականաբար, Վրաստանն է, բայց իմ մուտքն այդ երկիր արգելել են»,- «Առավոտի» հետ զրույցում ասաց Բագրատ Եսայանը: Վրացական կողմը որեւէ կերպ չի պատճառաբանում արգելքը:
«Կամ պետք է պարզվի, կամ Հայաստանի կառավարությունը պետք է սիմետրիկ միջոցների դիմի»,- ասում է մեր զրուցակիցը` նաեւ հարց ուղղելով. «Ես վերջին տասը տարիներին շենգենյան վիզա ունեմ, եթե իրենք պատրաստվում են շենգենին միանալ, միանալուց հետո ես կարողանալո՞ւ եմ այդ երկիր մտնել, թե՞ ոչ»: Իբրեւ պատասխան քայլ Հայաստանում էլ վրացի գործիչների «սեւ ցուցակներ» ունենալը մեր զրուցակիցը քաղաքակիրթ երկրին հարիր չի համարում. «Եթե հանցագործություն ես արել այդ երկրում, թող ձերբակալեն այդ երկրի օրենքներին համապատասխան, եթե ապօրինի բան ենք փորձում անցկացնել այդ երկիր` սահմանին թող ձերբակալեն, բայց ի՞նչ է նշանակում` անվան դիմաց սեւ նշան անել, եւ դու չկարողանաս մուտք գործել այդ երկիր»:
Մանրամասն՝ տպագիր «Առավոտի» այսօրվա համարում
Կարդացեք նաև
«Առավոտ»
25.11.2016
