«Հանրապետություն» կուսակցության նախագահ Արամ Սարգսյանի ֆեյսբուքյան գրառումը
Աշնանը, ըստ մեր ԱԳՆ-ի, COP29-ից հետո ՀՀ-ն կարող է ունենալ անվտանգային խնդիրներ։ Չի բացառվում, որ սադրանքը իրականացվի հենց սահմանազատված տարածքներում։ Ինչո՞ւ: Որովհետև, ոմանց կարծիքվ, այդպես հնարավոր է հասնել իշխանափոխության, իսկ նոր ձևավորված իշխանությունն էլ կապահովի ոմանց համար բաղձալի նոյեմբերի 9-ի 9-րդ կետի իրականացումը։
Ի՞նչ տարբերակներ ունի ՀՀ-ն նման զարգացման հնարավորությունը փոքրացնելու համար։
Տարբերակ 1. Մինչև աշուն անցկացնում ենք ԵՄ անդամակցության հանրաքվե։ «Այո»-ն հիմք ընդունելով՝ հայտ ենք ներկայացնում և մեկ տարվա ընթացքում դուրս ենք գալ ԵԱՏՄ-ից։
Կարդացեք նաև
Տարբերակ 2. Դուրս ենք գալիս ՀԱՊԿ-ից և ԱՄՆ-ի հետ ստորագրում այնպիսի համաձայնագիր՝ ինչպիսին ունի Վրաստանը։
Այս երկու տարբերակների դեպքում էլ ՀՀ-ի վրա հարձակվելը Ադրբեջանի պարագայում կնշանակի ամբողջությամբ տեղավորվել ՌԴ ուղեծրում, որ, անկասկած, չի մտնում Իլհամ Ալիևի ծրագրերի մեջ, հակառակ պարագայում վաղուց ուժային տարբերակով նոյեմբերի 9-ի 9-րդ կետը իրականացրած կլիներ։ Նշածս 2 տարբերակներից ո՞րը կընտրի ՀՀ իշխանությունը: Չգիտեմ: Բայց նույնիսկ չեզոքության տարբերակի կողմնակիցները ստիպված են ընդունել, որ ՀԱՊԿ-ում և ԵԱՏՄ-ում լինելով՝ չեզոք չես լինի։ Վրաստանը և Ադրբեջանը ՌԴ ռազմաբազա չունեն, նրանք ՀԱՊԿ և ԵԱՏՄ անդամ չեն ու ՌԴ-ից էլ մեզնից պակաս չեն օգտվում։ Սա իմիջիայլոց…
Տարածաշրջանային տարբերակի ջատագովներին էլ ասեմ, որ 21-րդ դարում աշխարհից տարանջատ տարածաշրջաններ չկան։ Թուրքիան իր ազդեցությունը տարածաշրջանում մեծացնում է ՆԱՏՕ-ի անդամակցությամբ և ԵՄ ընտանիքին մաս կազմելու հայտով։ Ադրբեջանը իր ազդեցությունը մեծացնում է Թուրքիայի նման մեծ եղբայր ունենալով և Իսրայելի միջոցով Արևմուտքի հետ կապով։ Վրաստանը՝ ԱՄՆ աջակցությամբ, ԵՄ անդամակցության սահմանադրական պահանջով։ Իրանը՝ շիա մահմեդականության կենտրոնը լինելով։ Հարց՝ իսկ ՀՀ-ն ումո՞վ: ՌԴ-ո՞վ, որ ըստ ԱԽ քարտուղարի, բարեհաջող հանձնեց Արցախը Ադրբեջանին, թե՞ ՀԱՊԿ-ով, որ չի ճանաչում ՀՀ սահմանները…
Անգամ 80 միլիոն բնակչությամբ Թուրքիան ՆԱՏՕ-ի, ԱՄՆ-ի և թուրքալեզու ժողովուրդների աջակցությամբ է իր շահերը սպասարկում տարածաշրջանում: Հայաստանը միայնակ ինչպե՞ս է դա անելու… Հարցս բացարձակապես հռետորական չէ և ժամանակն է՝ մենք կողմնորոշվենք, թե որտե՞ղ ենք ուզում լինի Հայաստանը 10-20 տարի հետո և, ըստ այդմ էլ, ժամանակ չկորցնենք ու հենց այսօր անենք առաջին քայլը, քանի դեռ նման քայլ անելու հնարավորությունը կա…
Դուք 6տարիա իշխանություն եք ու պատասխանատույ եք ամենի համար ինչ եղելա։ ապագայում էլ ինչ լինի պատասխանատու ես քանի իշխանություն ես։ հիմա ուզում ես հանրաքվե արա, ուզում ես նատո մտի քո պրոբլեմնա։ ում վրա ես մուննաթ գալիս՞