ՀԱԿ քաղաքապետի թեկնածու Վահագն Խաչատրյանն այսօր թիվ 8/17 ընտրատեղամասում քվեարկելուց հետո լրագրողներին ասաց` համոզված է, որ Երեւանը դառնալու է իր եւ բոլորի երազած գեղեցիկ քաղաքը:
«Եվ մենք չենք ուզելու այս քաղաքից հեռանալ»:
Նա նաեւ ասաց, որ հատկապես Մալաթիա Սեբաստիա վարչական շրջանի ութերորդ ընտրատարածքի մի քանի տեղամասերում առավոտից ընտրախախտումներ են սկսվել. «8/23 տեղամասում մի քաղաքացու ձեռքից վերցրել են երեք քվեաթերթիկ ծրարների հետ միասին: Համապատասխան արձանագրություն է կազմվելու եւ դիմելու են իրավապահներին»,- ասաց պարոն Խաչատրյանը:
Նրա պատմելով, ահազանգեր են ստացել նաեւ Չորրորդ գյուղից, որտեղ ծերանոցի ծերերին տեղամասերում ուղղորդում են. «Մասսայական են ընտրախախտումները, չեմ կարող բոլորը թվարկել»:
Կարդացեք նաև
Արփինե ՍԻՄՈՆՅԱՆ
