ԱՄՆ նախագահ Դոնալդ Թրամփը Truth Social սոցիալական կայքում քննադատել է Հռոմի պապ Լևոն XIV-ին և հրապարակել լուսանկար, որտեղ պատկերված է որպես Հիսուս Քրիստոս:
«Հռոմի Լևոն պապը ԹՈՒՅԼ է հանցագործության հարցում և սարսափելի՝ արտաքին քաղաքականության հարցում։ Նա խոսում է Թրամփի վարչակազմի նկատմամբ «վախի» մասին, բայց չի հիշատակում այն ՎԱԽԸ, որն ունեին կաթոլիկ եկեղեցին և մյուս բոլոր քրիստոնեական կազմակերպությունները COVID-ի ժամանակ, երբ նրանք ձերբակալում էին քահանաներին, հոգևորականներին և բոլոր մյուսներին եկեղեցական ծառայություններ մատուցելու համար, նույնիսկ դրսում լինելով, և տասը, նույնիսկ քսան ոտնաչափ հեռավորության վրա լինելով։
Ես նրա եղբայր Լուիին շատ ավելի եմ սիրում, քան նրան, որովհետև Լուին լիովին MAGA (Make America great again- խմբ.) ՄԱԳԱ է։ Նա հասկանում է, իսկ Լեոն՝ ոչ։
Ինձ պետք չէ Հռոմի մի պապ, որը կարծում է, թե Իրանի համար նորմալ է միջուկային զենք ունենալը։
Կարդացեք նաև
Ինձ պետք չէ Հռոմի մի պապ, որը կարծում է՝ սարսափելի է, որ Ամերիկան հարձակվեց Վենեսուելայի վրա, մի երկիր, որը հսկայական քանակությամբ թմրանյութեր էր ուղարկում Միացյալ Նահանգներ և, ավելի վատ, դատարկում էր նրանց բանտերը, այդ թվում՝ մարդասպաններին, թմրավաճառներին և մարդասպաններին, ուղարկելով նրանց մեր երկիր։
Ինձ պետք չէ Հռոմի մի պապ, որը քննադատում է Միացյալ Նահանգների նախագահին, որովհետև ես անում եմ հենց այն, ինչի համար ընտրվել եմ՝ ՄԵԾԱՄԱՍՆՈՒԹՅԱՄԲ հաղթելով ընտրություններում, սահմանելով հանցագործության ռեկորդային ցածր թվեր և ստեղծելով պատմության մեջ ամենամեծ ֆոնդային շուկան։
Հռոմի Լևոն պապը պետք է շնորհակալ լինի, որովհետև, ինչպես բոլորը գիտեն, նրա ընտրությունը մեծ անակնկալ էր։ Նա որևէ ցուցակում չէր որպես Պապի թեկնածու և ընտրվել է միայն այն պատճառով, որ ամերիկացի է, և եկեղեցին մտածել է, որ դա կլինի լավագույն միջոցը՝ գործ ունենալու նախագահ Դոնալդ Ջ. Թրամփի հետ։ Եթե ես Սպիտակ տանը չլինեի, Հռոմի Լևոն պապը Վատիկանում չէր լինի։
Ցավոք, Հռոմի Լևոն պապը թույլ է հանցագործության հարցում, թույլ է միջուկային զենքի հարցում, և դա ինձ չի բավարարում։ Նաեւ ինձ դուր չի գալիս, որ նա հանդիպում է Օբամայի համակիրների հետ, օրինակ՝ Դեյվիդ Աքսելրոդի՝ ձախերի անհաջողակի (loser) հետ, որը այն մարդկանցից է, որոնք ուզում էին, որ եկեղեցի գնացողներն ու հոգևորականները ձերբակալվեն։
Հռոմի Լևոն պապը պետք է իրեն կարգի բերի որպես Պապ, կիրառի առողջ բանականություն, դադարեցնի «ռադիկալ ձախերին» հաճոյանալը և կենտրոնանա մեծ Պապ, ոչ թե քաղաքական գործիչ լինելու վրա։ Դա շատ է վնասում նրան և, որ ավելի կարևոր է՝ վնասում է Կաթոլիկ եկեղեցուն»,- գրել է նա:
Հիշեցնենք՝ ապրիլի 11-ին՝ համաշխարհային խաղաղության համար աղոթքի ժամանակ Հռոմի պապ Լևոն XIV-ն առաջնորդներին կոչ էր արել նստել բանակցությունների սեղանի շուրջ, «ոչ թե այն սեղանի շուրջ, որտեղ նախատեսվում է վերազինում և որոշվում են մահացու գործողություններ»։
