Aravot.am-ի տեղեկություններով` ՀՀ գլխավոր դատախազի խորհրդական Սոնա Տռուզյանն աշխատանքից ազատվելու դիմում է ներկայացրել:
Մինչ այդ նա գտնվում էր արձակուրդում, եւ նրա արձակուրդը լրացել էր հոկտեմբերի 25-ին:
Սոնա Տռուզյանը 2006 թվականից գլխավոր դատախազի մամուլի քարտուղարն էր, իսկ 2012 թվականի դեկտեմբերից` խորհրդականը:
Մեր այս տեղեկատվությունը հաստատեց նաեւ նա, ասելով, թե` «տեղափոխվում եմ այլ աշխատանքի»: Մեր հարցին, թե որտե՞ղ է աշխատելու, Սոնա Տռուզյանը պատասխանեց`«այդ մասին կհայտնեմ հրամանը լինելուց հետո»:
Կարդացեք նաև
Ի դեպ, լրագրող, մամուլի նախկին քարտուղար, նախկին խորհրդականի մասին շրջանառվում են լուրեր, թե նա աշխատանքի է անցնելու նախագահականի ՊՈԱԿ-ում կամ Աղվան Հովսեփյանի գլխավորած նորաստեղծ քննչական կոմիտեում:
Նշենք, որ Սոնա Տռուզյանն իր աշխատանքային գործունեության ընթացքում կառույցի թափանցիկությունը, հրապարակայնությունն ապահովելու համար արժանացել է Ինֆորմացիայի ազատության կենտրոնի շնորհակալագրին, եւ «Ոսկե բանալի» ամենամյա մրցանակին:
