Երեկ ռուսական «Военно-промышленный курьер» պարբերականը հրապարակել է Ա. Խրամչիխինի վերլուծական հոդվածը՝ «Ֆորպոստ՝ հարցերով» վերնագրով, որում ամենայն մանրամասնությամբ ներկայացված են Հայաստանի եւ Արցախի զինված ուժերի վերաբերյալ հույժ գաղտնի տեղեկություններ։ Խրամչիխինը մեկ առ մեկ թվարկել է, թե ՀՀ ԶՈՒ քանի բանակային կորպուս ու զորամաս ունի, որը ինչ նշանակության է, որտեղ է տեղակայված, ինչպիսի ռազմահրամանատարական կառուցվածք ունի, ինչ տեսակի եւ սպառազինություն ունի։ Միով բանիվ՝ ներկայացված է գաղտնի տվյալների այնպիսի մի քանակություն, որի անգամ 10 տոկոսի հրապարակման համար որեւէ հայ լրագրողի կամ զինվորականի կդատապարտեին հայրենիքի դավաճանության համար:
Ընդ որում, նշված վերլուծության միանգամայն կողմնապահ եւ ընդգծված ադրբեջանամետ ասելիքը հեղինակը կարող էր շատ հանգիստ ներկայացնել՝ առանց ՀՀ ԶՈՒ-ի սպառազինության այդ ցանկի հրապարակման, այնպես, ինչպես նա որոշել էր, որ Ադրբեջանը ՀՀ-ի նկատմամբ առավելություն ունի օդուժի սպառազինության հարցում՝ չներկայացնելով ասվածը հիմնավորող որեւէ զինատեսակ, որն առկա է ադրբեջանական զինված ուժերում։
Սակայն ինքնին հասկանալի է, որ ռուսական որեւէ լրատվամիջոցում այդ ծավալի գաղտնի տեղեկատվությունը չէր կարող հայտնվել առանց ՌԴ պաշտպանական գերատեսչության տեղեկատվական աջակցության եւ ՌԴ քաղաքական ղեկավարության հրահանգի։ Եվ այն, որ նման աննախադեպ, ռազմավարական դաշնակցի նկատմամբ շանտաժային բնույթի տեղեկատվությունը հրապարակվում է Սերժ Սարգսյանի՝ այսօր Մոսկվա կատարելիք այցի նախօրեին, մտահոգվելու լրջագույն տեղիք է տալիս։ Եթե սրան գումարում ենք նաեւ օրերս ՌԴ փոխվարչապետ Դմիտրի Ռոգոզինի՝ Բաքու կատարած այցի ընթացքում քննարկված եւ կարծես թե հարթված խնդիրը՝ Ադրբեջանի կողմից ռուսական զենքի դիմաց վճարումների ուշացման հետ կապված, ապա պարզ է դառնում, որ Մոսկվան հերթական անգամ փորձում է Հայաստանի ունեցած սպառազինությունն ի ցույց դնելով՝ էլ ավելի շահագրգռել Բաքվին՝ նոր զինատեսակների ձեռքբերման եւ ռուս-թուրքական լարվածության այս փուլում Մոսկվայի հանդեպ լոյալության պահպանման համար:
Կարդացեք նաև
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
Ու էդ մարդը որտեղի՞ց գիտի էդ տվյալները:
Ինչու՞ եւ ինչպե՞ս են մեր պետական-ռազմական գաղտնիքները հայտնվել օտար, թեկուզ եւ իբր թե ՛՛դաշնակից՛՛ պետության տրամադրության տակ ու դարձել վաճառքի եւ շանտաժի գործիք, ո՞վ պետք է պատասխան տա դրա համար:
Идет грязная информационная война! Перед приездом каждого Президента, СМИ публикуют разного рода чепуху, другие по команде быстро перепечатают эту чепуху и начинается “вой”)))))))! Почему не перепечатали другие статьи? Один глупый храмчихин, самозванец,за деньги Алиева , написал ерунду и устроил переполох))))))! Да никто больше не верит вашим трюкам,господа! Успокойтесь! А ваши хозяева ЗРЯ тратят деньги)))). Убогие! ………. Уверен, этот коммент тоже точно будет “потерян” админом, как другие)))))
Դարձյալ մոդերատորների ուշադրությունն եմ դարձնում վիրավորանքներ պարունակող մեկնաբանությունների առկայության վրա:
Մի՞թե Դուք կարծում եք, թե պետք է վիրավորանքներ տեղաք, իսկ մենք էլ, խախտելով մեր կայքում մեկնաբանությունների կանոնները՝ հրապարակենք դրանք: Փորձեք Ձեր խոսքը շարադրել առանց վիրավորանքների: Այլապես ազատ եք այն հրապարակելու որեւէ այլ հարթակում: