Գերմանիայի Ռայխսթագում սրբության պես պահում ու պահպանում են այն բահը, որով փորել են իրենց գլխավոր օրենսդիր մարմնի հիմքը եւ կառուցել են պառլամենտը: Այցելուներին թույլ չեն տալիս որեւէ բանի ձեռք տալ՝ հիշեցնելով, որ այնտեղ ցանկացած առարկա արվեստի գործ է: Պառլամենտականների հետ կապված պատմական բազմաթիվ լուսանկարներ, հուշանվերներ, առարկաներ, ամեն ինչ պահպանվում ու հպարտությամբ ցուցադրվում է այցելուներին: Ցանկացած քարի կտոր անգամ այնպես են փայփայում ու կարեւորում, որ ակամայից ձեւավորվում է հարգանք այդ ինստիտուտի նկատմամբ:
Հիմա հարց է առաջանում, թե որտե՞ղ է այն բահը, քլունգը, կացինը, մուրճը, լինգը կամ գոնե այն պտուտակահանը, որի միջոցով կառուցվել է մեր Ազգային ժողովի շենքը: Հայտնի է, որ այն Գերագույն խոհրդին է հանձնվել 1991-ին եւ նախկինում եղել է ՀԿԿ Կենտկոմինը:
Բունդեսթագի եւ ՀՀ ԱԺ-ի այլ տարբերությունների մասին
«Առավոտ» օրաթերթ
09.12..2015
