Կենտրոնական ընտրական հանձնաժողովն արտահերթ նիստում այսօր որոշեց բավարարել «Ազգային համաձայնություն» կուսակցության նախագահ Արամ Հարությունյանի՝ երեկ ներկայացրած դիմումը:
Հիշեցնենք, որ պարոն Հարությունյանը երեկ հրաժարվել էր գովազդային վահանակներին քարոզչական պաստառներ ունենալու ավելի վաղ ներկայացրած իր հայտից:
«Քանի որ դեռեւս չսկսված քարոզարշավը հեռուստաընկերությունների հիմնական մասը, հատկապես հանրային հեռուստաընկերությունը իրականացնում է իմ նկատմամբ հակաքարոզչություն եւ լրատվական շրջափակում, հրաժարվում եմ օգտվել 5 քառակուսի մետրը գերազանցող մակերեսով քարոզչական պաստառներ տեղադրելու համար տրամադրվող արտաքին քաղաքական գովազդային վահանակներից, որի համար նախօրոք հայտ էի ներկայացրել: Նպատակահարմար գտնելով նախատեսված գումարը ծախսել վճարովի ուղիղ եթերից օգտվելու համար»,- հրաժարականի իր այսկերպ էր բացատրել պարոն Հարությունյանը:
Արփինե ՍԻՄՈՆՅԱՆ
