«Շատ բուռն առճակատում Կոմանդոսի հետ չեղավ, որովհետեւ Կոմանդոսն իր բնույթով բավականին լուրջ ռազմական գործիչ է: Նա երբեք շրջապատային ակտիվություն էլ չի ցուցաբերել: Զինվոր, սպարապետ, պետական անկախություն ձեւակերպող գործչի ներկայությամբ իրեն պահել է շատ ձիգ եւ համեստ: Պարզապես ոչ թե վարկաբեկվում է Վազգեն Սարգսյանը, այլ գնալով նման երեւույթներով կկորչի նաեւ Կոմանդոսի առասպելը եւ իրեն սկսեն կոչել իր անունով: Դրա համար պետք է ձեռք քաշի այդ հիմարություններից»,- այսօր Aravot.am-ի հետ զրույցում Շուշիի եւ Արցախյան պատերազմի հերոս Արկադի Տեր-Թադեւոսյանի հայտարարությունները Վազգեն Սարգսյանի մասին այսպես մեկնաբանեց ՀՀԿ փոխնախագահ Գալուստ Սահակյանը:
Մեր հարցին՝ այսինքն սխա՞լ արեց Կոմանդոսը, որ վերհիշեց Վազգեն Սարգսյանին եւ հիմա սկսեց խոսել նրա սխալների մասին՝ Գալուստ Սահակյանը պատասխանեց. «Սխալ ու ճիշտը չի: Նորմալ տրամաբանությամբ, մեկուսացված մի անձնավորություն է, որը ոչ շառին է խառնվել, ոչ խերին է խառնվել, ինչպես ժողովուրդն է ասում: Հիմա հանկարծ կենդանացված վիճակով, երբ այն պայմանները չէ, որ սկսենք պատմությունը վարկաբեկել, թե որտեղից եկավ, որտեղ գնաց եւ ինչ միջոցներով.. Նա պատիվ տվող գեներալ էր՝ Վազգենին: Եվ իր առասպելի մի ամբողջական մասը կապված էր հենց դրա հետ»:
Ըստ Գալուստ Սահակյանի, սխալները երեւում են հետագայում. «Վերջին շրջանում նաեւ Բակունցին ասում էին, որ նա թմրադեղեր է օգտագործել, բայց տաղանդ է, ամբողջ ազգի արժեք է ներկայացնում: Թումանյանն այսպիսին է եղել, Զորավար Անդրանիկն այսպիսին է եղել: Նրանք մարդիկ են: Մարդը յուրահատկություն է՝ իր սխալական լինելով եւ բարի գործեր կատարելով: Պիտի կշռես, թե որն է շատը: Ասում են՝ ամեն ինչ որոշում է ժողովուրդը, ազգը: Այո, ազգի դերակատարումն այն է, որ իր միջից ծնում է մարդիկ, որոնք իրեն ուղղորդում են: Այս մարդկանց չի կարելի վարկաբեկել, նրանց պետք է առասպելացնել, ինչպես առասպելացրեցին Կոմանդոսին: Դրանից մենք գոհ ենք: Այդ մարդն ուզում է իր առասպելը կորցնի չեղած փոշիների մեջ՝ դա իր խնդիրն է, բայց ես դրա համար էլ եմ ցավում»:
Մեր դիտարկմանը՝ ասում են այստեղ իշխանությունների պատվերը կա, որ տարիներ հետո հիշել է Վազգեն Սարգսյանին՝ Գալուստ Սահակյանը չհամաձայնեց. «Այն տարիներին հեչ պատվերներ չկա՞ր: Այն տարիներին իշխանությունները ի՞նչ էին պատվիրում, որ առասպելացնենք, Կոմանդո՞ս կոչենք»:
Կարդացեք նաև
Գալուստ Սահակյանը վստահեցրեց, որ ազատամարտիկների հետ Կոմանդոսը որեւէ առնչություն պատերազմից հետո չի ունեցել, որեւէ մեկի խնդիր չի բարձրացրել. «Ես դա ասում եմ ոչ թե նրան քննադատելու առումով, այլ ինքը մեկուսացված է եղել: Նա հասարակական կյանքի, երեւույթների հետ առնչություն չի ունեցել: Եթե ուզում է նաեւ առասպել դառնա քաղաքականության մեջ՝ դա արդեն ուշ է»:
Գալուստ Սահակյանը չի կարծում, որ որեւէ մեկի մտքով կանցներ ուղղորդել Կոմանդոսին՝ Վազգեն Սարգսյանի թեման բարձրացնելու համար. «Կարող է ինչ-որ անձ, որի իմաստության ատամն արդեն թափել է, փորձում է ուղղորդել Կոմանդոսին, բայց վերագրել, որ ինչ-որ մի կառույց է դա, Կոմանդոսը որեւէ կառույցի, որեւէ ընկերական շրջապատի անձ չէ»:
Վազգեն Սարգսյանի եղբայրը՝ Արամ Սարգսյանն ասում էր, որ Կոմանդոսը Լեւոն Տեր-Պետրոսյանի ժամանակ գովում էր նրան, Քոչարյանի ժամանակ գովում էր Քոչարյանին, քննադատում Լեւոն Տեր-Պետրոսյանին, իսկ հիմա էլ գովում է Սերժ Սարգսյանին եւ քննադատում Քոչարյանին: Այս առնչությամբ Գալուստ Սահակյանն ասաց. ««Չէի ասի գովել է, բայց նա խոնարհում ուներ, բայց տրամաբանորեն անհրաժեշտ էլ չէր, թե Կոմանդոսը որտեղ կխոնարհվի: Ինքը կար այնպես, ինչպես մինչեւ հիմա կար: Հիմա դրանից ուզում է դուրս գալ, այսինքն, հերոսանալուց հետո էլ ուրիշ բան չկա: Երեւի ինչ-որ մի բանից վիրավորված է, երեւի ինչ-որ մի բան հիշել է, երեւի մտածում է՝ չեղած ժառանգություն թողնել հասարակությանը: Մարդ է, հազար բան կմտածի»:
Հռիփսիմե ՋԵԲԵՋՅԱՆ
Կոմանդոսը աչքիս ավելի բարձրացավ,հայտնի ասացվածքը կարելի է այսպես ձևակերպել՝,,ասա ով է փնովում քեզ,և ես կասեմ ով ես դու,,…այո՝ Վ.Սարգսյան, առասպելը սրանց շատ-շատ է պետք…
Ընդհանրապես Գալուստ Սահակյանին մեկնաբանել, անկախ մեկնաբանողի կրթական մակարդակից, նշանակում է իջնել պրիմիտիվ միջատների մակարդակին: Նրա կողմից ցանկացած մարդու մասին մեկնաբանությունները, լինեն դրանք ազգային հերոս Արկադի Տեր-Թադևոսյանի մասին, թե փողոցում կանգնած պոռնիկների, լինեն դրանք գովեստի թե պախարակման խոսքեր, միևնուն ձևով կվիրավորեն նրանց:
Եթե պատմությունը մինչև օրս չկեղծեին ու սուտ նվիրյալներն ու թիկունքում թաքնված <> չդառնաին գեներալներ ու չշարունակեին իրենց կեղծիքներով կեղտոտել ու խեղել մեր վաղվա օրը երևի Կոմանդոսը ստիպված չլիներ անհանգստանալու: ԵՎ հետո հարգելի հայրենակիցներ վերջապես ինչքան պիտի կեղծենք մեր պատմութլշյունը, ես վկա եմ այդ տարիների իրադարձություններին և մասնակիցը իմ երկրի քաղաքական զարգացումներին ու գտնում եմ,որ պետք է ճշմարտությունը ասվի ու գրվի որքան էլ այն ցավալի լինի: Վաղը մեր պատմաբանները այսօրվա պատմությունը գրելիս պետք է փաստեր ունենան իրենց ձեռքին որը դուք այսօր կեղծում եք իշխանավորներին դուր գալու համար: Իսկ մեր ղեկավար այրերն էլ թող իրենց օրինակելի վարքով օրինակ ծառաեն այլ ոչ թե քննադատեն .Այն էլ Կոմանդոսի նման նվիրյալին……………Աշխատեք բոլորս էլ գործենք ճիշտ և չկեղծենք մեր վաղվա օրը…………
Դու ով ես,որ կարծիք ես հայտնում Կոմանդոսի մասին, ինչ ես արել Հայաստանի համար,բացի թալանելուց: