Լրահոս
Օրվա լրահոսը

Գեղանկարիչ Նիկոլ Աղաբաբյանի աշխատանքների վաճառքից ստացված գումարը կնպաստի Օձունի եկեղեցու վերականգնմանը

Նոյեմբեր 27,2012 20:31

Նկարիչների միությունում այսօր բացվեց գեղանկարիչ Նիկոլ Աղաբաբյանի աշխատանքների ցուցահանդեսը: Լրագրողների հետ զրույցում Աղաբաբյանը նշեց, որ ցուցահանդեսը բարեգործական է. «Իմ նպատակն է` ցուցահանդես-վաճառքի արդյունքում ստացված գումարները փոխանցել Օձունի եկեղեցու վերականգնման աշխատանքներն իրականացնող «Հովհաննես Իմաստասեր Կաթողիկոս Օձնեցի» բարեգործական հիմնադրամին, որի հոգաբարձուների խորհրդի անդամ եմ: Ցուցադրված աշխատանքներս ներկայացնում են Հայաստան աշխարհի գրեթե բոլոր հատվածները` Արցախից մինչ Գյումրի: Ընդհանուր առմամբ` ներկայացված է 40 գործ»: Գեղանկարիչը հավելեց, որ նկարների մեծ մասը ցուցադրվում է առաջին անգամ. «Աշխատանքներ կան, որոնք նույնիսկ ամբողջությամբ չեն չորացել»:

Գրողների միության նախագահ Լեւոն Անանյանն ասաց, որ Նիկոլ Աղաբաբյանին համարում է Սարյանի դպրոցի արժանապատիվ սաներից մեկը: Անանյանի համոզմամբ` «բարեգործությունը աստվածահաճո ձեռնարկ է, մանավանդ, երբ միտված է Աստծո տաճարի վերականգնմանը»:

Նկարիչների միության նախագահ Կարեն Աղամյանի խոսքով. «Պետք է ծառայել այն սրբություններին, որոնք թողել են մեր նախնիները: Դժբախտաբար, մեր պետությունն այսօր միշտ չէ, որ կարողանում է ձեռք մեկնել մշակութային այն օջախներին, որոնց շնորհիվ գոյատեւել է մեր ազգը»:

Աղամյանը հայտնեց, որ բարեգործական ցուցահանդեսն իր բնույթով վերջինը չի լինելու, քանի որ այլ նկարիչներ նույնպես պատրաստակամություն են հայտնել նպատել Օձունի եկեղեցու վերականգման աշխատանքներին:

Լուիզա ՍՈՒՔԻԱՍՅԱՆ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2012
Երկ Երե Չոր Հնգ Ուրբ Շաբ Կիր
« Հոկ   Դեկ »
 1234
567891011
12131415161718
19202122232425
2627282930